IPL 2024 / હાર્દિક પંડ્યા ડિપ્રેશનમાં છે? હૂટિંગના કારણે માનસિક સ્વાસ્થ્ય બગડ્યું, પૂર્વ દિગ્ગજ ક્રિકેટરનો દાવો

IPL 2024ની શરૂઆતથી જ હાર્દિક પંડ્યાની ચાહકો સતત ટીકા કરી રહ્યા છે. મુંબઈ ઈન્ડિયન્સના કેપ્ટન તરીકે રોહિત શર્માને બદલવાનો નિર્ણય મોટાભાગના ચાહકોને પસંદ આવ્યો ન હતો અને લગભગ MIની દરેક મેચમાં ચાહકો હાર્દિક પંડ્યાની હૂટિંગ કરી રહ્યા છે. 

Proud of how we played tonight 💙💙 Let’s keep the momentum going 💥 pic.twitter.com/AMwdiEiPfF

— hardik pandya (@hardikpandya7) April 11, 2024

હવે IPL 2024 શરૂ થયાને એક મહિનો વીતી ગયો છે, પરંતુ તેની ટીકા હજુ પણ ચાલુ છે. જ્યારે પણ હાર્દિક પંડ્યા ટોસ માટે આવે છે અથવા મેદાન પર કંઈપણ કરે છે, ત્યાં હાજર પ્રશંસકો હૂટિંગ કરતાં જોવા મળે છે. જો કે પંડ્યાએ આ અંગે જાહેરમાં કંઈ કહ્યું નથી, પરંતુ હવે ઘણા લોકો કહી રહ્યા છે કે આ કારણે તે ઘણો સ્ટ્રેસમાં છે. તે જ સમયે, હવે ભૂતપૂર્વ સ્ટાર ક્રિકેટર રોબિન ઉથપ્પાએ ખુલાસો કર્યો છે કે હાર્દિક પંડ્યા IPLમાં થતી હૂટિંગને કારણે મેન્ટલ હેલ્થની સમસ્યાઓથી પીડાઈ રહ્યો છે.

Robin uthappa is right, I Agree 👍🏼

But about that selfish behaviour of Hardik when he left a franchise who backed him in his worst phase just because Ambani's offered him a blank cheque 🫰🏼 ...! (Credit: @musafir_hu_yar ) #KKRvRCB #KKRvsRCB #IPL2024pic.twitter.com/NgNZgjG0z3

— Crazy Arpita (@ArpitaKiVines) April 21, 2024

રોબિન ઉથપ્પાએ આ વિશે વાત કરતાં કહ્યું કે, 'તે એક એવો વ્યક્તિ છે જેની પાસે ભારતીય ટીમ માટે મહાન બનવાની ક્ષમતા છે. જે ટીમે તેને શોધી કાઢ્યો તેણે તેને જવા દીધો અને તે બીજી ફ્રેન્ચાઈઝીમાં ગયો. જ્યારે તે જીટીમાં ગયો, ત્યારે તેણે એક ખિતાબ જીત્યો અને બીજામાં ઉપવિજેતા રહ્યો. પછી વાતચીત શરૂ થઈ.'

In my 10th IPL season, grateful for the journey, for the growth, for everything that's come my way 🙏 And to be back with a team that's always been in my heart 💙 pic.twitter.com/vNnT6XVefH

— hardik pandya (@hardikpandya7) March 22, 2024

આગળ એમને કહ્યું, 'અત્યારે લોકો તેની મજાક ઉડાવી, તેને ટ્રોલ કરવો. તેની ફિટનેસ વિશે મીમ્સ બનાવવું...શું તમને નથી લાગતું કે તેનાથી તેને દુઃખ નહીં થતું હોય? આવી વસ્તુ કોઈપણ વ્યક્તિને નુકસાન પહોંચાડી શકે છે. સત્ય કેટલા લોકો જાણે છે? હાર્દિક ચોક્કસપણે માનસિક સ્વાસ્થ્ય સમસ્યાઓ સાથે સંઘર્ષ કરી રહ્યો છે. હું સમજું છું કે આપણે ભારતીયો લાગણીશીલ છીએ. પરંતુ કોઈ પણ મનુષ્ય સાથે આવું વર્તન કરવું યોગ્ય નથી. આપણે આના પર હસવું પણ ન જોઈએ.'

વધુ વાંચો: દિલ્હી પર હેડ-અભિષેકની આંધી: પાવરપ્લેમાં હૈદરાબાદે બનાવ્યા 125 રન, છગ્ગા-ચોગ્ગાનો વરસાદ 

ઉથપ્પાએ વધુમાં કહ્યું કે જ્યારે ટીમ ઈન્ડિયા વર્લ્ડ કપ ફાઇનલમાં હારી ગઈ હતી, ત્યારે ચાહકોએ દરેક ખેલાડી સાથે સારો વ્યવહાર કર્યો હતો. આવી સ્થિતિમાં આ ચાહકોએ હાર્દિક પંડ્યા સાથે આવું જ કરવું જોઈએ. કોઈ પણ ખેલાડીઓ આવા મીમ્સ અને ટ્રોલથી ડિસ્ટર્બ થઈ શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો