રાજ્યનાં મોટાભાગનાં વિસ્તારોમાં વરસાદનું જોર ઘટ્યું છે. પરંતુ આગાહી અનુસાર ગુજરાતમાં આજે કેટલાક જિલ્લાઓમાં વરસાદ પડે તેવી શક્યતા છે.
રાજ્યમાં ઘટ્યું વરસાદનું જોર
આજે રાજ્યના કેટલાક જિલ્લાઓમાં પડી શકે છે વરસાદ
દક્ષિણ ગુજરાતના કેટલાક જિલ્લામાં પડી શકે છે વરસાદ
મેઘરાજા કરશે ખમૈયા
ગુજરાત સહિત દેશનાં ઘણા વિસ્તારોમાં વરસાદનું પ્રમાણ નહિવત થઈ ગયું છે. જો કે આગાહી અનુસાર ગણેશ ચતુર્થી આસપાસ મેઘરાજાની સેકન્ડ ઇનિંગ શરૂ થાય એવી શક્યતા છે પણ એ પહેલા જાણી લઈએ આજે વરસાદની આગાહી શું કહે છે.
દક્ષિણ ગુજરાતમાં પડી શકે
ગુજરાતમાં આજે કેટલાક જિલ્લાઓમાં વરસાદ પડે તેવી શક્યતા છે. જો કે ધોધમાર વરસાદ પડે તેવી શક્યતા હવે નહિવત છે પરંતુ દક્ષિણ ગુજરાતનાં કેટલાક જિલ્લાઓમાં મધ્યમ વરસાદ પડે તેવી શક્યતા વ્યક્ત કરવામાં આવી છે.
કયા જિલ્લાઓમાં થશે મેઘરાજાનું આગમન?
મુખ્ય તો દક્ષિણ ગુજરાતનાં જિલ્લાઓ જેવા કે નવસારી, વલસાડ, દમણ, દાદરા નગર હવેલીમાં વરસાદ પડે તેવી શક્યતા છે.
આ સિવાય મધ્ય ગુજરાતમાં કે સૌરાષ્ટ્રમાં આજે વરસાદની આગાહી નથી. એટલે કે સૌરાષ્ટ્ર, મધ્ય ગુજરાત અને કચ્છ અથવા ઊત્તર ગુજરાતમાં મેઘરાજા ખમૈયા કરશે. દક્ષિણ ગુજરાત સિવાય ખાસ તો અન્ય વિસ્તારમાં હાલ વરસાદની શક્યતા નહીંવત છે.