લોકસભા ચૂંટણી / રણનીતિકાર PKએ ભવિષ્ય ભાખ્યું! આ વિસ્તારોમાં BJPની બલ્લે બલ્લેનો દાવો, કોંગ્રેસને હાથ લાગશે હતાશાં

Lok Sabha Election 2024 : લોકસભા ચૂંટણી પહેલા જાણીતા રાજકીય વ્યૂહરચનાકાર પ્રશાંત કિશોરે ભવિષ્યવાણી કરી છે. વાત જાણે એમ છે કે, પ્રશાંત કિશોરે ભારતીય જનતા પાર્ટીના દાવાઓને સ્વીકારતા કહ્યું કે, શાસક પક્ષ દક્ષિણ અને પૂર્વ ભારતમાં તેની બેઠકો અને મત ટકાવારીમાં નોંધપાત્ર વધારો કરશે. કર્ણાટક સિવાય આ બે પ્રદેશોમાં પાર્ટી ઘણી નબળી છે. ખાસ વાત એ છે કે, NDAએ 400થી વધુ સીટો જીતવાનો ટાર્ગેટ રાખ્યો છે અને BJPએ 370થી વધુ સીટો જીતવાનો ટાર્ગેટ રાખ્યો છે.

પ્રશાંત કિશોરે ન્યૂઝ એજન્સી પીટીઆઈને આપેલા ઈન્ટરવ્યુમાં આ વાત કહી. તેમણે દાવો કર્યો હતો કે, લોકસભા ચૂંટણીમાં ભાજપ ઓડિશા અને પશ્ચિમ બંગાળમાં નંબર વન પાર્ટી બનવા જઈ રહી છે. તેલંગાણામાં ભાજપ પ્રથમ અથવા બીજા સ્થાને રહી શકે છે. તમિલનાડુમાં BJPનો વોટ શેર બે આંકડામાં પહોંચી શકે છે. લોકસભાની કુલ 543 બેઠકોમાંથી તેલંગાણા, ઓડિશા, પશ્ચિમ બંગાળ, તમિલનાડુ, આંધ્રપ્રદેશ, બિહાર અને કેરળમાં દરેક 204 બેઠકો છે. ભાજપ 2014 કે 2019માં આ તમામ રાજ્યોમાં મળીને 50 સીટોનો આંકડો પણ પાર કરી શકી નથી.

શું કહ્યું પ્રશાંત કિશોરે ? 
રાજકીય વ્યૂહરચનાકાર પ્રશાંત કિશોરે કહ્યું કે, વિપક્ષની સુસ્ત અને નબળી રણનીતિના કારણે ભાજપને દક્ષિણ અને પૂર્વ ભારતમાં ફાયદો થતો જોવા મળી રહ્યો છે. આ બે વિસ્તારોમાં 2019ની સરખામણીમાં પાર્ટીનો વોટ શેર અને સીટો વધી શકે છે. આ બે ક્ષેત્ર એવા છે જ્યાં પાર્ટીની પકડ નબળી છે. પ્રશાંતે સૂચવ્યું છે કે, જો કોંગ્રેસ 2024ની લોકસભા ચૂંટણીમાં ધાર્યા મુજબના પરિણામો ન મેળવે તો રાહુલ ગાંધીએ પીછેહઠ કરવાનું વિચારવું જોઈએ. કોંગ્રેસને જીત અપાવવા માટે રાહુલ ગાંધી છેલ્લા 10 વર્ષથી નિષ્ફળ પ્રયાસ કરી રહ્યા છે. આ હોવા છતાં તેમણે ન તો પોતાની જાતને રાજનીતિથી દૂર કરી અને ન તો અન્ય કોઈને પાર્ટીનો ચહેરો બનવા દીધો. મારા મતે આ લોકશાહી નથી.

વધુ વાંચો: લોકસભા ચૂંટણીના એવા 4 'અટલ' કિસ્સા, જ્યારે વિપક્ષ ઉમેદવાર પણ ઉતારી ન શક્યું, કારણો રસપ્રદ

આ સાથે પ્રશાંતે કહ્યું કે,  જ્યારે તમે (રાહુલ ગાંધી) છેલ્લા 10 વર્ષથી એક જ કામ કરી રહ્યા છો અને તેમાં કોઈ સફળતા નથી મળી રહી તો બ્રેક લેવામાં કોઈ નુકસાન નથી. તમારે પાંચ વર્ષ બીજા કોઈને કરવા દેવા જોઈએ. તેમણે કહ્યું કે, પૂર્વ વડાપ્રધાન સ્વ. રાજીવ ગાંધીની હત્યા બાદ સોનિયા ગાંધીએ શું કર્યું? 1991માં તેમણે રાજનીતિથી દૂરી લીધી હતી. કોંગ્રેસની કમાન પીવી નરસિમ્હા રાવને આપવામાં આવી હતી. તેનું પરિણામ તમે બધા જાણો છો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો