રાહત / પેટ્રોલના ભાવમાં એક ઝાટકે રૂ.40નો ઘટાડો, ભારતના પાડોશી દેશે લોકોને આપી રાહત

• શ્રીલંકાની સરકારે કર્યો પેટ્રોલના ભાવમાં 40 રૂપિયાનો ઘટાડો 
• હવે 410 શ્રીલંકાનાં રૂપિયા પ્રતિ લિટર પેટ્રોલનો ભાવ 
• ડિઝલના ભાવમાં કોઈ જ ફેરફાર નહીં 

આર્થિક સંકટનો સામનો કરી રહેલ શ્રીલંકાની સરકારે સામાન્ય નાગરિકો માટે મોટી રાહતની જાહેરાત કરી  છે. સરકારે પેટ્રોલની કિંમતમાં 40 રૂપિયા પ્રતિ લિટરનો  ઘટાડો કર્યો છે. ઉર્જા મંત્રી કંચન વિજેશેખરે પેટ્રોલની કિંમતમાં ઘટાડાનું એલાન કરતાં કહ્યું કે પેટ્રોલની કિંમત હવે 410 શ્રીલંકાનાં રૂપિયા પ્રતિ લિટર હશે. ઘટાડા પહેલા 450 શ્રીલંકાનાં રૂપિયા પ્રતિ લિટર પેટ્રોલની કિંમત હતી. 

ડીઝલ હવે પેટ્રોલ કરતાં મોંઘું 
સરકારનાં આ પગલાંથી દેશમા પહેલી વખત ડીઝલ પેટ્રોલ કરતાં મોંઘું થઈ ગયું છે. શ્રીલંકામાં ડીઝલની કિંમત હવે 430 શ્રીલંકાનાં રૂપિયા પ્રતિ લિટર છે. સાર્વજનિક પરિવહન માટે ડીઝલનો વ્યાપક રૂપથી ઉપયોગ કરવામાં આવે છે. જ્યારે એકથી બીજા વિસ્તારમાં વેપારીઓ માટે સામાન લઈ જવા માટે જે ગાડીઓનો ઉપયોગ કરવામાં આવે છે, તેમાં પણ ડીઝલની ખોટ વર્તાય છે. 

કોને મળશે રાહત અને કોને લાગશે ઝટકો ?
પેટ્રોલની કિંમતમા ઘટાડાથી સામાન્ય નાગરિકોને સીધી રાહત મળશે પણ વેપારીઓ માટે મુશ્કેલી વધશે. આવા લોકો માટે ડીઝલની કિંમતમા ઘટાડો ન થવો એ એક ઝટકો જ છે. સરકારના આ નિર્ણય બાદ લાંક ઇંડિયન ઓઇલ કોર્પોરેશને પણ કહ્યું કે તે સરકારી મૂલ્ય સ્તરને અનુરૂપ પેટ્રોલની કિંમતોમા ઘટાડો કરશે. 

જણાવી દઈએ કે સૌથી શ્રીલંકા ખરાબ આર્થિક સંકટમાંથી પસાર થઈ રહ્યું છે અને મોંઘવારીનાં ઐતિહાસિક સ્તર પર છે. સપ્ટેમ્બરમાં ફુગાવો વધીને 69.8% થયો હતો જે ઓગસ્ટમાં 64.3% નોંધાયો હતો. ડીઝલના ભાવમાં ઘટાડો થવાની સ્થિતિમાં મોંઘવારી પર રાહતની આશા રાખવામાં આવી શકે છે. જો કે શ્રીલંકાની સરકારે માત્ર પેટ્રોલની કિંમતમાં રાહત આપી છે.