વિરોધ / સ્માર્ટ મીટર લગાવવા પહોંચેલી DGVCLની ટીમ સામે લોકોનો વિરોધ, ફરી જુના મીટર લગાવવામાં આવે તેવી માગ

સુરતમાં સ્માર્ટ મીટરનો વેસુ વિસ્તારનાં બનવારીલાલ રેસિડેન્સીનાં લોકોએ વિરોધ કર્યો હતો. સ્માર્ટ મીટર લગાવવા પહોંચેલી DGVCL ની ટીમ સામે રહીશોએ વિરોધ કર્યો હતો. તેમજ આ બાબતે સ્થાનિકોએ જણાવ્યું હતું કે વપરાશ જેમનો તેમ પણ મીટર ફાસ્ટ ફરવાથી બિલ વધુ આવે છે. જે વપરાશ હતો તેટલો જ વપરાશ છે. પરંતું તેની ચૂકવણી અનેક ગણી વધી ગઈ છે. જૂનામીટર ફરી લગાવવામાં આવે તેવી સ્થાનિકોની માંગ છે.

વધુ વાંચોઃ

સરકાર અને કોન્ટ્રાક્ટર વચ્ચે શું ચર્ચા થઈ તે આજદીન સુધી અમને ખબર નથી

આ બાબતે રહીશ સંજયભાઈ બ્રહ્મભટ્ટે જણાવ્યું હતું કે આ મીટક લગાવ્યા ત્યારે શરૂઆતમાં તેઓએ એવું કહ્યું કે કંપની સરકાર તરફથી ફરજીયાત છે. આજે ઘણા સરકારી કોન્ટ્રાક્ટરોમાં એવું હોય છે કે અમુક સર્વિસ ફરજીયાત છે કે મરજીયાત છે. જો ફરજીયાત હોય તો અમે કંપની પાસે લેટર માંગ્યો પણ આજદીન સુધી લેટર આપ્યો નથી. તેમજ કોન્ટ્રાક્ટમાં ઓપ્શન હોય છે તમારે પ્રાઈવેટમાં જવું છે કે સરકારીમાં પરંતું આ લોકોએ અમને કોઈ ઓપ્શન આપ્યો નથી. તેમજ સરકાર અને કોન્ટ્રાક્ટર વચ્ચે શું ચર્ચા થઈ તે આજદીન સુધી અમને ખબર નથી.