અમદાવાદ / કોંગ્રેસ કાર્યાલયની બહાર ગુસ્સે ભરાયેલા કાર્યકરે કર્યું કઈક એવું કે મચી ગયો હોબાળો

Malay

Last Updated: 05:01 PM, 8 December 2022

FOLLOW ON

શેર કરો

ગુજરાત વિધાનસભાની ચૂંટણી 2022 માટેની મતગણતરી પૂરી થવા આવી છે. ભારતીય જનતા પાર્ટી બહુમતી મેળવી ચૂકી છે. આગામી પાંચ વર્ષ સુધી ફરી ગુજરાતનો ગઢ ભાજપ પાસે રહેશે. ત્યારે આ વખતે કોંગ્રેસને ઘણું નુકસાન થયું છે. અનેક દિગ્ગજો ચૂંટણી હારી જતા કોંગ્રેસનો નારાજ કાર્યકર પ્રદેશ કાર્યલય ખાતે પહોંચ્યો હતો.

કોંગ્રેસનો નારાજ કાર્યકર પહોંચ્યો કોંગ્રેસ કાર્યાલય
કોંગ્રેસ ભવને લગાવેલ ઘડિયાળ તોડવાનો કર્યો પ્રયાસ
કોંગ્રેસ ભવન ખાતે નેતાઓ સામે કર્યો રોષ વ્યક્ત

ગુજરાત વિધાનસભા ચૂંટણીમાં ભાજપની પ્રચંડ જીતે ઇતિહાસ સર્જી દીધો છે. તો વળી આ જીતની સાથે ભાજપે પોતાના જ જૂન રેકોર્ડ તોડી નવા રેકોર્ડ તેમના નામે કર્યા છે. આ ચૂંટણીમાં કોંગ્રેસને ઘણું નુકસાન થયું છે. અમદાવાદ શહેરની 16 વિધાનસભા બેઠકમાંથી કોંગ્રેસ બે વિધાનસભા બેઠક જીત્યું છે. દાણીલીમડા વિધાનસભા બેઠક પરથી શૈલેષ પરમાર અને જમાલપુર વિધાનસભા બેઠક પરથી ઇમરાન ખેડાવાલાની જીત થઈ છે. 14 વિધાનસભામાં ભાજપના ઉમેદવારોની જીત તરફ છે.

કોંગ્રેસનો નારાજ કાર્યકર પહોંચ્યો કોંગ્રેસ કાર્યાલય
તો કોંગ્રેસને આ વખતે ઘણું નુકસાન થયું છે. કોંગ્રેસના દિગ્ગજ નેતાઓને આ વખતે હારનો સામનો કરવો પડ્યો છે. પરેશ ધાનાણી, અંબરીશ ડેર, પ્રતાપ દૂધાત અને વિરજી ઠુમ્મરને હારનો સામનો કરવો પડ્યો છે. ધમાકેદાર જીતના કારણે જિલ્લાના ભાજપના કાર્યકરોમાં ઉત્સાહનો માહોલ છે. ત્યારે આજે ટીવી પર પરિણામના વલણો પ્રકાશિત થતાં જ કોંગ્રેસનો નારાજ કાર્યકર કોંગ્રેસ ભવન ખાતે પહોંચ્યો હતો.

કોંગ્રેસ ભવન ખાતે નેતાઓ સામે કર્યો રોષ વ્યક્ત
કોંગ્રેસના નારાજ કાર્યકરે કોંગ્રેસ ભવને લગાવેલ ઘડિયાળ તોડવાનો પ્રયાસ કર્યો હતો. આ ઉપરાંત તેણે કોંગ્રેસ ભવન ખાતે નેતાઓ સામે રોષ વ્યક્ત કર્યો હતો. સાથે જ અંદરો અંદર ટિકિટ વહેંચણીના આરોપ પણ લગાવ્યા હતા.

સંકળાયેલા મુદ્દાઓ

ahmedabad congress અમદાવાદ ગુજરાત કોંગ્રેસ ગુજરાત ચૂંટણીનું પરિણામ ahmedabad