નેશનલ / 'રાહુલ ગાંધીને ઘરમાં ઘુસીને ગોળી મારી દેશું, કોંગ્રેસના 25 સાંસદોની હત્યા કરીશું' ધમકીથી ખળભળાટ

Kota News: લોકસભામાં વિરોધ પક્ષના નેતા રાહુલ ગાંધી સહિત 25 સાંસદોને ઘરમાં ઘૂસીને ગોળી મારી દેવાની ધમકી આપનાર એક વ્યક્તિની રાજસ્થાનમાં ધરપકડ કરવામાં આવી છે. સોશિયલ મીડિયા પર ધમકીનો વીડિયો વાયરલ થયા બાદ કોટા પોલીસે આરોપીઓ સામે કાર્યવાહી કરી છે.

લોકસભામાં વિરોધ પક્ષના નેતા રાહુલ ગાંધી સહિત 25 સાંસદોને ઘરમાં ઘુસીને ગોળી મારી દેવાની ધમકી આપનાર એક વ્યક્તિની રાજસ્થાનમાં ધરપકડ કરવામાં આવી છે. સોશિયલ મીડિયા પર ધમકીનો વીડિયો વાયરલ થયા બાદ કોટા પોલીસે આરોપીઓ સામે કાર્યવાહી કરી છે. આરોપીએ રાહુલ ગાંધી અને અન્ય સાંસદો પર લોકસભાના સ્પીકર ઓમ બિરલાનું અપમાન કરવાનો આરોપ લગાવતા આ ધમકી આપી હતી. તેનું નામ રાજ સિંહ અમેરા છે. તે પોતાને કરણી સેના અને ભાજપ કાર્યકર હોવાનો દાવો કરી કહે છે કે તે રાહુલ ગાંધીને ઘરમાં ઘૂસીને ગોળી મારી દેશે. જ્યારે ભાજપે જણાવ્યું છે કે આરોપીનો તેમની પાર્ટી સાથે કોઈ સંબંધ નથી.

શહેર પોલીસ અધિક્ષકે જણાવ્યું હતું કે પોલીસને એક વીડિયો મળ્યો છે જેમાં ઉદ્યોગ નગર પોલીસ સ્ટેશન વિસ્તારના પ્રેમ નગરનો રહેવાસી રાજ અમેરા નામનો એક યુવાન કોંગ્રેસના સાંસદો અને રાહુલ ગાંધીને ગોળી મારી દેવાની ધમકી આપી રહ્યો છે. વીડિયોના આધારે પોલીસે આરોપીની ધરપકડ કરી છે. વીડિયોમાં કરણી સેનાનો હોવાનો દાવો કરતા એક વ્યક્તિએ સંસદમાં લોકસભા અધ્યક્ષ ઓમ બિરલાના ચેમ્બરમાં બનેલી ઘટનાનો ઉલ્લેખ કર્યો છે. પોલીસ કહે છે કે આ મામલાની તપાસ ચાલી રહી છે. આરોપીનો અગાઉનો ગુનાહિત રેકોર્ડ છે. પ્રારંભિક તપાસમાં જાણવા મળ્યું છે કે પોતાને ફેમસ કરવા માટે આ પ્રકારના વીડિયો બનાવી તે વાયરલ કરતો હતો.

વાયરલ વીડિયોમાં તેણે શું કહ્યું?

રાજ સિંહ અમેરા વીડિયોમાં અનેક વાંધાજનક ટિપ્પણીઓ કરતો જોવા મળે છે. પોતાને ભાજપ કાર્યકર ગણાવીને તે રાહુલ ગાંધીના ઘરમાં ઘૂસીને ગોળી મારવાની વાત કરે છે. તે કહે છે, "અમે ભાજપના કાર્યકરો ભારતીય સંસદમાં 25 કોંગ્રેસના સાંસદોએ લોકસભા અધ્યક્ષ ઓમ બિરલા સાથે જે રીતે દુર્વ્યવહાર કર્યો તેની સખત નિંદા કરીએ છીએ. આનાથી ભાજપ અને કરણી સેનાના કાર્યકરોમાં ભારે ગુસ્સો ફેલાયો છે. જો આવી ઘટના ફરીથી બનશે, તો અમે તે સાંસદોના ઘરમાં ઘૂસીને તોડફોડ કરીશું. આ ઘટના રાહુલ ગાંધીના આદેશ પર બની છે, તેથી રાહુલ ગાંધી કાન ખોલી સાંભળી લે આવી ઘટના ફરીથી બનશે, તો અમે તમારા ઘરમાં ઘૂસીને તમને ગોળી મારીશું. આ માટે વહીવટીતંત્ર સંપૂર્ણપણે જવાબદાર રહેશે." જો તે 25 સાંસદોની 24 કલાકની અંદર ધરપકડ નહીં કરવામાં આવે, તો અમે તે બધાને ગોળી મારી દઈશું, ભલે તેનો માટે જેલમાં જવું પડે.

આ પણ વાંચોઃ ખતમ થશે દારુબંધી? હવે NDAના સાથીઓ પણ કરવા લાગ્યા માગ? શું માનશે મુખ્યમંત્રી

ભાજપે કહ્યું કે આરોપીઓ સાથે કોઈ સંબંધ નથી

ભાજપ કોટા જિલ્લા પ્રમુખ રાકેશ જૈને એક નિવેદન બહાર પાડીને કહ્યું કે વાયરલ વીડિયોમાં દેખાતા વ્યક્તિ સાથે ભારતીય જનતા પાર્ટીનો કોઈ સંબંધ નથી. ભાજપ રાષ્ટ્રનિર્માણ માટે પ્રતિબદ્ધ શિસ્તબદ્ધ કાર્યકરોનો પક્ષ છે. આ પ્રકારની ભાષા અને વર્તન અમારી વિચારધારા અને નૈતિક મૂલ્યોની વિરુદ્ધ છે. ભાજપ ક્યારેય લોકશાહી મૂલ્યો વિરુદ્ધના કોઈપણ કૃત્યને સ્વીકાર કરતું નથી. પોલીસે કાર્યવાહી કરી છે અને આરોપીઓની ધરપકડ કરી છે. તેમણે વહીવટીતંત્રને આવા તત્વો સામે કડક કાર્યવાહી કરવા વિનંતી કરી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ