લોકસભા ચૂંટણી / 'મારી માનું મંગળસૂત્ર દેશને કુર્બાન થયું, દાદીએ યુદ્ધમાં સોનું આપ્યું' પ્રિયંકા ગાંધીનો પલટવાર

કોંગ્રેસ મહાસચિવ પ્રિયંકા ગાંધીએ પીએમ મોદીને તેમના મંગળસૂત્રવાળા નિવેદન પર જવાબ આપ્યો છે.  કર્ણાટકના બેંગ્લુરુમાં એક જનસભાને સંબોધિત કરતાં પ્રિયંકા ગાંધીએ કહ્યું કે મારી માનું મંગળસૂત્ર (રાજીવ ગાંધીની હત્યા) આ દેશને કુર્બાન થયું છે. દેશની આઝાદી બાદથી 55 વર્ષ સુધી કોંગ્રેસની સરકાર હતી તેમ છતાં પણ ક્યારેય પણ કોઈનું  સોનું, મંગળસૂત્ર ઝૂંટવી લેવાયું નથી. પ્રિયંકા ગાંધીએ કહ્યું કે છેલ્લા 2 દિવસથી કહેવામાં આવી રહ્યું છે કે કોંગ્રેસ પાર્ટી તમારું મંગળસૂત્ર અને તમારું સોનું તમારી પાસેથી છીનવી લેવા માંગે છે. દેશને આઝાદ થયાને 70 વર્ષ થયા છે અને 55 વર્ષ સુધી કોંગ્રેસની સરકાર સત્તામાં હતી. કોઈએ તારું સોનું, મંગળસૂત્ર ઝૂંટવી લીધું? યુદ્ધ દરમિયાન ઈન્દિરા ગાંધીએ દેશને પોતાનું સોનું આપ્યું હતું. આ દેશ માટે મારી માતાનું મંગળસૂત્ર બલિદાન આપવામાં આવ્યું. 

વધુ વાંચો : '400 પાર જશે જા..' ભૂવાજીની ભવિષ્યવાણીથી ચૂંટણી જીતી શકાય? ડૉ.સી.જે.ચાવડાનો વેણ-વધાવો ચર્ચામાં

#WATCH | Bengaluru: Congress leader Priyanka Gandhi Vadra says, "From last 2 days it is being said that Congress Party wants to snatch your 'Mangalsutra' and your gold from you. The country has been independent for 70 years and there has been a Congress government for 55 years.… pic.twitter.com/CDHp0ZISQG

— ANI (@ANI) April 23, 2024

પીએમ મોદી શું બોલ્યાં હતા 
યુપીના અલીગઢ અને હાથરસમાં ચૂંટણી રેલીને સંબોધિત કરતાં પીએમ મોદીએ એવું કહ્યું હતું કે દેશની સંપત્તિને લૂંટવાનો પોતાનો જન્મસિદ્ધ અધિકાર માનનારી કોંગ્રેસની નજર હવે મહિલાઓના મંગળસૂત્ર પર છે. કોંગ્રેસ અને ઈન્ડીયા ગઠબંધનની નજર હવે તમારી કમાણી અને તમારી સંપત્તિ પર છે. કોંગ્રેસના રાજકુમાર (રાહુલ ગાંધી)નું કહેવું છે કે જો તેમની સરકાર આવશે તો કોણ કેટલું કમાય છે, કોની પાસે કેટલી સંપત્તિ છે, પૈસા છે, ઘર છે તેની તપાસ કરવામાં આવશે. એટલું જ નહીં, સરકાર આ મિલકતોનો કબજો લઈને દરેકને વહેંચશે. આ જ તેમનો મેનિફેસ્ટો કહી રહ્યો છે. આપણી માતાઓ અને બહેનો પાસે સોનું છે. તેની નજર મંગળસૂત્ર પર પણ છે. 

પીએમ મોદી પર સાધ્યું નિશાન 
આ પહેલા ચિત્રદુર્ગમાં પ્રિયંકા ગાંધીએ એવું કહ્યું હતું કે દેશના સૌથી મોટા નેતાએ નૈતિકતાનો ત્યાગ કર્યો છે, તે લોકોની સામે ઢોંગ કરે છે અને સત્યના માર્ગ પર ચાલતો નથી." તેમણે આરોપ લગાવ્યો કે વિપક્ષનો અવાજ દબાવીને, તેમના બેંક ખાતાઓને ફ્રીઝ કરીને અને બે મુખ્યમંત્રીઓને જેલમાં નાખીને વિપક્ષને નબળો પાડવાના પ્રયાસ કરવામાં આવી રહ્યા છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો