આસ્થા / રામલલાના શીરે સુરતમાં બનેલો 11,00,00,000 રૂપિયાનો સુવર્ણ જડિત મુગટ શોભાયમાન થશે, જાણો કોણ છે આ દાનવીર

• રામલલાને 11 કરોડનો મુગટ પહેરાવાશે
• સુરતના હીરા ઉદ્યોગકારે બનાવડાવ્યો મુગટ
• ગ્રીનલેબ ડાયમંડના સંચાલક મુકેશ પટેલની અનોખી પહેલ

અયોધ્યામાં રામલલાના શીરે સુરતમાં બનેલો મુગટ શોભાયમાન થશે. સુરતના હીરા ઉદ્યોગકાર અને ગ્રીન લેબ ડાયમંડના સંચાલક મુકેશ પટેલે રામલલાને 11 કરોડની કિંમતનો સોનાનો મુગટ ભેટમાં આપ્યો હતો. ચાર કિલો સોનામાં તૈયાર થયેલા મુગટમાં હીરા-માણેક નીલમ-મોતી ને જડવામાં આવ્યા છે.

સુરતના હીરા વેપારીએ અયોધ્યા રામમંદિરમાં આપ્યો 11 કરોડનો મુગટ. આ સિવાય સુરતના જ દિલીપ લાખી પરિવારે 101 કિલો સોનું જ્યારે ગોવિંદ ધોળકિયાએ 11 કરોડ રૂપિયા દાનમાં આપ્યા છે .#RamLallaVirajman #Ayodhya #Surat #suratnews #RamMandirOnVTV #ShriRamHomecoming #SabkeRam… pic.twitter.com/R82j5H2i9S

— VTV Gujarati News and Beyond (@VtvGujarati) January 22, 2024

હીરા-માણેક, નીલમ-મોતીથી તૈયાર કરાયો મુગટ
આ ગ્રીન લેબ ડાયમંડના સંચાલક મુકેશ પટેલ દ્વારા તૈયાર કરાયેલા ગ્રીન ડાયમંડને વડાપ્રધાન મોદીએ અમેરિકાના રાષ્ટ્રપતિના પત્નીને ભેટ ભર્યો હતો. વિશ્વ હિન્દુ પરિષદના રાષ્ટ્રીય ખજાનચી દિનેશ નાવડીયાએ ગ્રીન લેબ ડાયમંડ કંપનીના મુકેશભાઇ પટેલને અયોધ્યાના વિશ્વપ્રસિદ્ધ નવનિર્મિત મંદિરમાં બિરાજમાન થનારા ભગવાન શ્રી રામ માટે આભુષણ અર્પણ કરવાની વિચારણા કરવા માટે કહ્યું હતું. 

વાંચવા જેવું: મુખ્યમંત્રી ભૂપેન્દ્ર પટેલે રામ મંદિરમાં પ્રાણ પ્રતિષ્ઠા બાદ નાગરિકોને પાઠવી શુભેચ્છા, કહ્યું આતુરતાનો અંત

6 કિલોના વજનનો મુગટ રામલલાને અર્પણ
ગ્રીન લેબ ડાયમંડ કંપનીના મુકેશ પટેલે પોતાના પરિવારજનો અને કંપનીમાં પરામર્શ કરીને નક્કી કર્યું કે ભગવાન શ્રી રામ માટે સોનાનો આભુષણોથી જડેલો મુગટ અર્પણ કરવામાં આવે. અયોધ્યા મંદિરનો પ્રાણપ્રતિષ્ઠા સમારોહ યોજાયો તેની પૂર્વ સંધ્યાએ ગ્રીન લેબ ડાયમંડ કંપનીના મુકેશ પટેલે અયોધ્યા રામજન્મભૂમિ ટ્રસ્ટના ટ્રસ્ટીઓ જેમાં મંત્રી શ્રીચંપતરાયજી, વિહીપના કાર્યકારી અધ્યક્ષ આલોકજી, મહામંત્રી મિલનજી, દિનેશ નાવડીયા વગેરેની હાજરીમાં 6 કિલો વજનનો મુગટ અર્પણ કર્યો છે.