BIG BREAKING / મિલિંદ દેવરાનું કોંગ્રેસમાંથી રાજીનામું: શિંદે જૂથવાળી શિવસેનામાં થઇ શકે છે સામેલ, 55 વર્ષના સંબંધ એકઝાટકે ખતમ

• લોકસભા ચૂંટણી પહેલા મહારાષ્ટ્રમાં કોંગ્રેસને મોટો ઝટકો લાગ્યો
• કોંગ્રેસ નેતા મિલિંદ દેવરાએ કોંગ્રેસના પ્રાથમિક સભ્યપદેથી રાજીનામું આપ્યું 
• આજે જ મુખ્યમંત્રી આવાસ પર પોતાના સમર્થકો સાથે એકનાથ શિંદેની શિવસેનામાં સામેલ થઈ શકે

Milind Deora Resignation : લોકસભા ચૂંટણી પહેલા મહારાષ્ટ્રમાં કોંગ્રેસને મોટો ઝટકો લાગ્યો છે. વાત જાણે એમ છે કે, કોંગ્રેસ નેતા મિલિંદ દેવરાએ કોંગ્રેસના પ્રાથમિક સભ્યપદેથી રાજીનામું આપી દીધું છે. તેમણે પોતે ટ્વીટ કરીને આ જાણકારી આપી છે. કોંગ્રેસથી નારાજ પૂર્વ સાંસદ મિલિંદ દેવરાના શિવસેના (શિંદે જૂથ)માં જોડાવાની ઘણી ચર્ચા છે. એવું કહેવામાં આવી રહ્યું છે કે તેઓ શનિવારે આની જાહેરાત કરવા જઈ રહ્યા હતા, પરંતુ કોઈ કારણોસર તે થઈ શક્યું નહીં.

તેણે સોશિયલ મીડિયા પ્લેટફોર્મ X પર લખ્યું કે, આજે મારી રાજકીય સફરના એક મહત્વપૂર્ણ પ્રકરણના સમાપનની નિશાની છે. ની પ્રાથમિક સભ્યપદમાંથી મેં મારું રાજીનામું આપ્યું છે. કોંગ્રેસ પાર્ટી સાથે મારા પરિવારના 55 વર્ષના સંબંધોનો અંત આવ્યો છે. હું તમામ નેતાઓ, સહકાર્યકરો અને કાર્યકર્તાઓનો વર્ષોથી તેમના અતૂટ સમર્થન માટે આભારી છું.

Today marks the conclusion of a significant chapter in my political journey. I have tendered my resignation from the primary membership of @INCIndia, ending my family’s 55-year relationship with the party.

I am grateful to all leaders, colleagues & karyakartas for their…

— Milind Deora | मिलिंद देवरा ☮️ (@milinddeora) January 14, 2024

શું હોઇ શકે રાજીનામાનું કારણ ?
મિલિંદ દેવરા 2024ની લોકસભા ચૂંટણીમાં મુંબઈ દક્ષિણ બેઠક પરથી ચૂંટણી લડવા માંગે છે. ઉદ્ધવ ઠાકરેની શિવસેના (UBT) પણ આ બેઠક પર દાવો કરી રહી છે. કોંગ્રેસ પણ આ સીટ ઠાકરે જૂથને આપવા માટે રાજી થઈ ગઈ છે. આ વાતથી દેવરા ખૂબ ગુસ્સે થયા. આવી સ્થિતિમાં તેઓ શિવસેના (શિંદે જૂથ)માં જોડાવાની તૈયારી કરી રહ્યા છે. આ બેઠક પર તેમની સંમતિ મળે તેવી પણ શક્યતા છે.

વધુ વાંચો: 15 રાજ્યો, 6700 કિમીની મુસાફરી... આજથી રાહુલ ગાંધીની 'ભારત જોડો ન્યાય યાત્રા'નો શુભારંભ, જાણો સંપૂર્ણ પ્લાન

મિલિંદે રવિવારે પોતાની ઓફિસમાં સમર્થકોને બોલાવ્યા છે. સૂત્રોના જણાવ્યા અનુસાર મિલિંદ રવિવારે જ મુખ્યમંત્રી આવાસ પર પોતાના સમર્થકો સાથે એકનાથ શિંદેની શિવસેનામાં સામેલ થઈ શકે છે. જો કે, મિલિંદે મીડિયાને કહ્યું છે કે આવી ચર્ચા ચોક્કસપણે છે, પરંતુ મેં હજી સુધી આવો કોઈ નિર્ણય લીધો નથી.