રિસર્ચ / મંગળ પર 4 લાખ વર્ષ પહેલા પડ્યો હતો બરફ, ચીનના રોવરે આપેલા આંકડા બાદ ચોંકાવનારો દાવો

• રોવરે મંગળ ગ્રહ વિશે અનેક જાણકારીઓ મોકલી.
• 300 કરોડ વર્ષ પહેલા જ આ પાણી સૂકાઈ ગયું હતું. 
• 3,300 કિમી દૂર સૌરમંડળનું સૌથી મોટું ઈંપેક્ટ બેસિન.

ચીનના જુરોંગ રોવરના નવા આંકડા પરથી જાણવા મળ્યું છે કે, 4,00,000 વર્ષ પહેલા મંગળ ગ્રહ પર ભારે માત્રામાં તરલ પાણી હતું. આ પાણી ગ્રહના રેતીના ઢગલામાં ઓગળેલા બરફ તરીકે હાજર હતું. વર્ષ 2021ની શરૂઆતમાં જુરોંગ રોવરના લાલ ગ્રહ પર ઉતર્યા પછી રોવરે મંગળ ગ્રહ વિશે અનેક જાણકારીઓ મોકલી છે. દાયકાંઓથી કહેવામાં આવી રહ્યું છે કે, મંગળ ગ્રહ પર પ્રાચીન નદીઓ વહી રહી છે. અત્યાર સુધી માનવામાં આવી રહ્યું હતું કે, 300 કરોડ વર્ષ પહેલા જ આ પાણી સૂકાઈ ગયું હતું. 

ગયા વર્ષે આ અનુમાનને નકારી દેવામાં આવ્યું હતું. જુરોંગ રોવરે કેટલાક પુરાવાના આધાર પર જાણકારી આપી હતી કે, 70 કરોડ વર્ષ પહેલા મંગળ ગ્રહ પર તરલ પાણી ઉપલબ્ધ હોઈ શકે છે. જુરોંગે છેલ્લા કેટલાક વર્ષોમાં યૂટોપિયા પ્લૈનિટિયા (Utopia Planitia) ની તપાસ કરી છે. મંગળ ગ્રહની સપાટી પર એક વિશાળ મેદાન છે, જેની 3,300 કિમી દૂર સૌરમંડળનું સૌથી મોટું ઈંપેક્ટ બેસિન છે. 

Mars May Have Seen Snow As Recently As 400,000 Years Ago, Zhurong Rover Suggestshttps://t.co/lkVe8EJ0ZK

— IFLScience (@IFLScience) April 30, 2023

મિશન પર કામ કરી રહેલ ચાઈનીઝ એકેડમી ઓફ સાયન્સની ટીમ અનુસાર આ મિશન ગ્રહ પર હાજર રહેલ જીવનના સંકેતોના સંશોધન માટે એક્સપ્લોરેશન મિશન માટે મહત્ત્વપૂર્ણ પુરાવા આપે છે. વૈજ્ઞાનિકો અનુસાર ડ્યૂન પર પાતળા, ફાટેલા ક્રસ્ટ્સ અને કણો રહેલા છે. જ્યારે તરલ પાણી ઉપલબ્ધ હોય ત્યારે આ પ્રકારે થાય છે. 

ચાઈનીઝ એકેડમી ઓફ સાયન્સના વૈજ્ઞાનિક અને સંશોધનના લેખક શિયાઓગુઆંગ કિન જણાવે છે કે, રેતીના ઢગલા ખૂબ જ આધુનિક લેન્ડફોર્મ છે. ઢગલા પર બનેલ પાપડીઓને કારણે રેતીના ઢગલા પર જમા થયેલ ખનિજ અને પાણીની હાજરીનો સંકેત આપે છે. આ કણોમાં સલ્ફેટ્સ, સિલિકા, આયર્ન ઓક્સાઈડ અને ક્લોરાઈડ જેવા પદાર્થ સામે આવ્યા છે. સંશોધનકર્તાઓ અનુસાર તાપમાન ફ્રોસ્ટ પોઈન્ટથી નીચે જાય ત્યારે તે જળ બરફ તરીકે રેતીના ઢગલા પર જામી ગયો અને તેના પર તિરાડ અને પોપડીઓ બની ગઈ. 

સંશોધનકર્તાઓએ ટીમના આ તર્કને યોગ્ય માની લીધો છે, પરંતુ સંભાવના છે કે, આ ઢગલા ભૂગર્ભીય પ્રક્રિયાથી બનેલ હતા. આ સંશોધન સાયન્સ એડવાન્સિસ જર્નલમાં પ્રકાશિત કરવામાં આવ્યું છે.