ટાર્ગેટ 2024.. / કર્ણાટક CMના શપથ ગ્રહણમાં વિપક્ષી નેતાઓને નિમંત્રણ, પણ કેજરીવાલ-KCR સહિત આ નેતાઓની બાદબાકી, શું સંકેત

• કર્ણાટકમાં 20મેનાં રોજ થશે શપથવિધી
• દેશભરનાં વિપક્ષનાં નેતાઓને આપવામાં આવ્યું નિમંત્રણ
• કેજરીવાલ,KCR સહિત કેટલાક નેતાઓને નથી મળ્યું આમંત્રણ

કર્ણાટકનાં CM પદ માટે 4 દિવસ સુધી ચાલેલા મંથન બાદ આખરે સિદ્ધારમૈયાને કર્ણાટકનાં કિંગ તરીકે પસંદ કરવામાં આવ્યાં છે. 20 મેનાં રોજ થનારી શપથવિધીની તૈયારીઓ શરૂ થઈ ગઈ છે. વિપક્ષ સહિત અનેક નેતાઓને આમંત્રણ આપવામાં આવ્યું છે પરંતુ તેમાં કેજરીવાલ સહિત ઘણાં મહત્વનાં નેતાઓનાં નામ નથી.

સમારોહમાં આમંત્રિત નેતાઓની લિસ્ટ તૈયાર
20મેનાં રોજ બપોરે 12.30 વાગ્યે બેંગલુરુમાં શપથ સમારોહ થવા જઈ રહ્યો છે. તેના માટે પાર્ટીએ જોરદાર તૈયારીઓ શરૂ પણ કરી દીધી છે. આ સમારોહ માટે દેશભરની તમામ પાર્ટીઓનાં નેતાને આમંત્રણ આપવાની લિસ્ટ પણ તૈયાર કરી દેવામાં આવી છે. નવાઈની વાત તો એ છે કે આ લિસ્ટમાં દિલ્હીનાં મુખ્યમંત્રી અરવિંદ કેજરીવાલ, તેલંગાણાનાં CM KCR સહિત કેટલાક નામોને શામેલ કરવામાં આવ્યાં નથી. 

આ નેતાઓને આપવામાં આવ્યું છે આમંત્રણ

• બિહારનાં CM નીતીશ કુમાર
• બિહારનાં ડેપ્યુટી CM તેજસ્વી યાદવ
• ઝારખંડનાં CM હેમંત સોરેન
• તમિલનાડુનાં CM એમ.કે સ્ટાલિન
• પીડીપી પ્રમુખ મહબૂબા મુફ્તી
• CPI મહાસચિવ ડી રાજા
• CPI માર્ક્સવાદીનાં મહાસચિવ સીતારામ યેચુરી
• બંગાળની CM  મમતા બેનર્જી
• NCPનાં પ્રમુખ શરદ પવાર
• મહારાષ્ટ્રનાં પૂર્વ CM  ઉદ્ધવ ઠાકરે
• અભિનેતા કમલ હાસન

આ નેતાઓને ન મળ્યું આમંત્રણ

• કેરળનાં મુખ્યમંત્રી પિનારાઈ વિજયન
• દિલ્હીનાં મુખ્યમંત્રી અરવિંદ કેજરીવાલ
• આંધ્રપ્રદેશનાં મુખ્યમંત્રી જગનમોહન રેડ્ડી
• તેલંગાણાનાં મુખ્યમંત્રી KCR