બોલીવુડ સોંગ કાલા ચશ્માં પર જાપાની છોકરીઓનો ડાન્સ વિડીયો સોશિયલ મીડિયા પર વાયરલ થઇ રહ્યો છે.
કાલા ચશ્માં પર જાપાની છોકરીઓનો વિડીયો વાયરલ
બોલીવુડ સોંગ પર જાપાની છોકરીઓએ કર્યો ડાન્સ
સોશિયલ મીડિયા યુઝર્સે આપી જાતજાતની પ્રતિક્રિયા
કાલા ચશ્માં પર જાપાની છોકરીઓનો વિડીયો વાયરલ
બોલીવુડ ફિલ્મ બાર બાર દેખોનાં ગીત કાલા ચશ્માંનો નશો હજુ પણ લોકોના માથા પર સવાર છે. આ સુપરહિટ ગીત પર રોજ કંઈકને કંઈક વાયરલ થતું જ રહે છે.હવે જાપાનની છોકરીઓનું એક ગ્રુપ આ ગીત પર જબરદસ્ત ડાન્સ કરતા જોવા મળ્યું. આ છોકરીઓનો એક મજેદાર ડાન્સ વિડીયો સોશિયલ મીડિયા પર વાયરલ થઇ રહ્યો છે.
દસ છોકરીઓએ કર્યો કાલા ચશ્માં પર ડાન્સ
આ વિડીયોને ઇન્સ્ટાગ્રામ પર ક્વિક સ્ટાઈલ નામના હેન્ડલ દ્વારા પોસ્ટ કરવામાં આવ્યો છે. વિડીયોમાં લગભગ 10 છોકરીઓનું ગ્રુપ જોવા મળે છે, જે કાલા ચશ્માં પર ડાન્સ કરતુ જોવા મળે છે. ખાસ વાત એ છે કે આ છોકરીઓ સ્કૂલની લાગી રહી છે કેમકે સૌના કપડા એકસમાન જ છે અને હેરસ્ટાઈલ પણ સમાન છે.
એક એક ધમાકેદાર સ્ટેપ
આ ડાન્સની વધુ એક ખાસ વાત એ પણ છે કે તેમણે આ ગીતનાં એક એક સ્ટેપને શાનદાર અંદાજમાં કર્યો છે. પહેલા એક છોકરી ફ્લોર પર સ્ટેપ કરતી જોવા મળી, જ્યાર બાદ બધી સાથી છોકરીઓએ તેનો સાથ આપ્યો અને પછી અન્ય છોકરીએ આગળનો સ્ટેપ બતાવ્યો. છેલ્લે બધી છોકરીઓએ એકસાથે સ્ટેપ કરીને શાનદાર ડાન્સ બતાવ્યો.
કાલા ચશ્માં પર વાયરલ વિડીયોને લોકો ખૂબ જ પસંદ કરી રહ્યા છે. આ વિડીયો પર લોકોના જાતજાતના રીએક્શન પણ સામે આવ્યા છે.