રાહત / આ તક ગુમાવવા જેવી નથી, ઘરનાં ઘરનું સપનું થશે પૂરું, બે મહીનાનાં ટૂંકા ગાળામાં આ ચીજનાં ભાવ થઈ ગયા અડધા

• બિલ્ડીંગ મટીરિયલ્સના ઘટ્યા ભાવ
• સળિયાના ભાવ થઇ ગયા અડધા
• સિમેન્ટથી લઇને ઇંટના ભાવમાં થયો ઘટાડો 

જો તમે પોતાનું ઘર બનાવવા માંગતા હોવ તો આ સમય એકદમ સાચો છે. કારણ કે સરકારના પ્રયાસો અને કેટલાક સિઝનલ ફેક્ટર્સને કારણે બિલ્ડિંગ મટીરિયલ્સની કિંમતમાં રેકોર્ડબ્રેકઘટાડો નોંધાયો છે. ખાસ કરીને સળિયા. દિવસ જાય તેમ સળિયાના ભાવમાં ઘટાડો થઇ રહ્યો છે.  હમણા જ આ વર્ષના બે મહિના પહેલા રેકોર્ડ બનાવી રહેલા સળિયાના ભાવ અડધા થઇ ગયા છે. આ ઉપરાંત સિમેન્ટથી લઇને ઇંટ સુધીની કિંમતો ઘટી ગઇ છે. 

બાંધકામમાં સળિયા સૌથી મોંઘા આવે

તમે ઘર બનાવી રહ્યા હોવ કે અન્ય કોઈ બાંધકામ કરવા જઈ રહ્યા હોવ તેમાં લોખંડનો સળિયો મજબૂતી માટે સૌથી મહત્વની વસ્તુ છે. ઘરોની છત, બીમ અને કોલમ વગેરે બનાવવામાં સળિયાનો જ ઉપયોગ થાય છે. ત્યારે આ સળિયાની કિંમત બે મહિના પહેલા એટલે કે માર્ચ 2022માં આસમાને પહોંચી હતી. કેટલીક જગ્યાએ તો સળિયાની કિંમત 85 હજાર પ્રતિ ટન હતી પરંતુ અત્યારે આ ભાવ ઘટીને 45 હજાર રૂપિયા થઇ ગયો છે. 

સરકારે સ્ટીલ પર વધારી એક્સપોર્ટ ડ્યુટી 

સરકારે હાલમાં જ સ્ટીલ પર એક્સોપોર્ટ ડ્યૂટી વધારી દીધી છે. આ કારણે ઘરેલુ બજારમાં સ્ટીલના ઉત્પાદનોમાં ભાવ વધવા લાગ્યા છે. સળિયાની કિંમતોમાં ઘટાડો થવા પાછળ આ મુખ્ય કારણ છે. માત્ર લોકલ જ નહીં પરંતુ બ્રાન્ડેડ સળિયાના ભાવમાં પણ ઘટાડો જોવા મળી રહ્યો છે.  હાલમાં બ્રાન્ડેડ સળિયાના ભાવ ઘટીને 80થી 85 હજાર પ્રતિ ટન પર આવી ગયા છે જે માર્ચ 2022માં 1 લાખ હતો. 

સળિયાની સરેરાશ કિંમત (પ્રતિટન) 

ભારતના મોટા શહેરોમાં સળિયાનો શું ભાવ (પ્રતિ ટન) ? 

આ પરિબળો ભાવમાં કરી રહ્યા છે ઘટાડો 

મોંઘવારી ઘટાડવા માટે સરકારે ડીઝલ અને પેટ્રોલ પરના ટેક્સમાં પણ ઘટાડો કર્યો છે. આ પછી, સ્થાનિક બજારમાં સ્ટીલની કિંમતોને નિયંત્રિત કરવા માટે, તેની નિકાસ પર ટેક્સ વધારવામાં આવ્યો છે. આ સિવાય કેટલાક પરિબળો પણ સાનુકૂળ છે. વરસાદની સિઝન શરૂ થતાં જ બાંધકામનું કામ ઓછું થવા લાગે છે, જેના કારણે બિલ્ડિંગ મટિરિયલની માંગ પણ ઘટવા લાગે છે. રિયલ એસ્ટેટ ક્ષેત્રની ખરાબ સ્થિતિ પણ આ સમયે સહકાર આપી રહી છે. આ કારણોસર ઈંટો, સિમેન્ટ, બાર એટલે કે સળિયા, રેતી જેવી વસ્તુઓની માંગ નીચી સપાટીએ છે.