હોબાળો / આઇસક્રીમના વિજ્ઞાપન પર આ દેશમાં ભયંકર બબાલ, મહિલાઓના કામ પર જ લગાવી દીધી રોક 

• ઈરાનમાં આઈસ્ક્રીમની જાહેરાતને લઈને ભારે હોબાળો
• જાહેરાત બાદ કટ્ટરપંથી ઈસ્લામિક નેતાઓએ લીધો મોટો નિર્ણય
• દેશમાં હવે મહિલાઓને જાહેરાતોમાં કામ કરવા પર મૂક્યો પ્રતિબંધ 

ઈરાનમાં આઈસ્ક્રીમની જાહેરાતને લઈને ભારે હોબાળો મચી ગયો છે. આ જાહેરાત બાદ કટ્ટરપંથી ઈસ્લામિક નેતાઓએ દેશમાં મહિલાઓ માટેની જાહેરાતોમાં કામ કરવા પર પ્રતિબંધ મૂકવામાં આવ્યો.આ જાહેરાત એક જાહેરાત બાદ કરવામાં આવી હતી. જાહેરાતમાં એક મહિલા લૂઝ ફિટિંગ હિજાબમાં જોવા મળે છે. જેમાં તે મેગ્નમ આઇસક્રીમમાંથી ખાતી દેખાઈ હોય તેવું લાગે છે.

#Iran 's hardline Islamic leaders have banned women from appearing in adverts under the state's strict chastity rules.
The announcement came shortly after a commercial featuring a woman in a loose-fitting hijab suggestively biting into a Magnum ice creamhttps://t.co/nF6chpprNF

— David ET (@Davidetla) August 1, 2022

ઈરાનમાં આઈસ્ક્રીમની જાહેરાતને લઈને ભારે હોબાળો મચી ગયો

ઈરાની ધર્મગુરુઓએ આ જાહેરાત સામે વાંધો ઉઠાવ્યો હતો અને અધિકારીઓને આઈસ્ક્રીમ બનાવતી કંપની ડોમિનો સામે પગલાં લેવાની માંગ કરી હતી.અધિકારીઓએ જણાવ્યું હતું કે આ જાહેરાત જાહેર શિષ્ટાચારની વિરુદ્ધ હતી અને સ્ત્રીઓના મૂલ્યો નું અપમાન કરતી હતી. એક રિપોર્ટ અનુસાર, હવે ઈરાનના સંસ્કૃતિ અને ઈસ્લામિક ગાઈડન્સ મંત્રાલયે દેશના હિજાબ અને ચેસ્ટિટી નિયમોને ટાંકીને એક પત્ર જાહેર કર્યો છે, જેમાં જાહેરાત કરવામાં આવી છે કે મહિલાઓ જાહેરાતમાં કામ નહીં કરે.

ઈરાની ધર્મગુરુઓએ આ જાહેરાત સામે વાંધો ઉઠાવ્યો હતો 

આ નિર્ણય સુપ્રીમ કાઉન્સિલ ઓફ કલ્ચરલ રિવોલ્યુશન દ્વારા જાહેર કરવામાં આવ્યો છે. તમને જણાવી દઈએ કે ઈરાનના નિયમો અનુસાર જાહેરાતમાં મહિલાઓ, બાળકો કે પુરૂષોને કોઈપણ ઓબ્જેક્ટ તરીકે દર્શાવી શકાય નહીં. જોકે, લોકો તેને અલગ-અલગ સંદર્ભમાં અલગ-અલગ રીતે રજૂ કરતા રહે છે. જાહેરાતમાં મહિલાઓ પર પ્રતિબંધ મૂકવાનો નિર્ણય એવા સમયે આવ્યો છે જ્યારે ઈરાની મહિલાઓ રસ્તા પર હિજાબ પહેરવા સામે સોશિયલ મીડિયા પર ઉગ્ર વિરોધ કરી રહી છે.

ઇરાનમાં 1979માં ઇસ્લામિક ક્રાંતિ પછી જ રૂઢિચુસ્ત કાયદો લાગુ કરાયો

ઇરાનમાં 1979માં ઇસ્લામિક ક્રાંતિ પછી જ ધાર્મિક રૂઢિચુસ્ત કાયદો લાગુ કરવામાં આવ્યો હતો. ત્યારથી મહિલાઓ માટે હિજાબ ફરજીયાત કરવામાં આવ્યો હતો. જો કે હવે તેની સામે જોરદાર વિરોધ જોવા મળી રહ્યો છે. તાજેતરમાં એક ન્યૂઝ એજન્સીએ તેહરાન રિવોલ્યુશનરી કોર્ટને ટાંકીને કહ્યું હતું કે જે મહિલાઓ હિજાબ ઉતારીને પોતાનો વીડિયો બનાવે છે તેમને એકથી 10 વર્ષની જેલની સજા થઈ શકે છે.