બર્મિંગહામ કોમનવેલ્થ ગેમ્સ 2022માં ભારતે અત્યાર સુધીમાં 20 મેડલ પોતાને નામ કર્યા ત્યારે વધુ બે ટીમ પહોંચી ફાઇનલમાં
કોમનવેલ્થ ગેમ્સ-2022
ભારતીય પુરુષ ટીમનું જોરદાર પ્રદર્શન
4 x 400 મીટર રિલેની ફાઇનલમાં પહોંચી ટીમ
એથલેટિક્સ- મેન્સ રિલે ટીમ ફાઇનલમાં
બર્મિંગહામમાં ચાલી રહેલી કોમનવેલ્થ ગેમ્સ 2022માં ભારતીય ખેલાડીઓ સારું પ્રદર્શન કરી રહ્યા છે. 7મા દિવસે, ભારતે પેરા પાવરલિફ્ટિંગ અને લોંગ જમ્પમાં ગોલ્ડ અને સિલ્વર 2 ઐતિહાસિક મેડલ જીત્યા. આ સાથે ભારતના કુલ મેડલની સંખ્યા 20 થઈ ગઈ છે. જેમાં 6 ગોલ્ડનો સમાવેશ થાય છે.ત્યારે આજે ભારતીય મેન્સ ટીમે 4×400 મીટર ઇવેન્ટના ફાઈનલમાં જગ્યા બનાવી છે. ટીમે બીજા નંબર પર રહીને ફાઈનલમાં પ્રવેશ મેળવી લીધો છે. આ રેસમાં મોહમ્મદ અનસ, નોહ નિર્મલસ મોહમ્મદ અજમલ અને અમોજ જૈકબે 3.06.97 મિનિટમાં રિલે પૂરી કરી હતી.
તો આ તરફ પેરા ટેબલ ટેનિસમાં ભારતનો એક મેડલ પાકો થઇ ગયો છે. ભાવિના પટેલે ઇંગ્લેન્ડની સુઇ બેલેને 11-6, 11-6, 11-6થી હરાવી વિમેન્સ સિંગલ ક્લાસ 3-5ની ફાઇનલમાં પ્રવેશ મેળવી લીધો છે. આ સાથે તેણે મહિલા સિંગલ્સની ફાઇનલમાં જગ્યા બનાવી લીધી છે. આ સાથે તેણે ઓછામાં ઓછો સિલ્વર મેડલ સુનિશ્ચિત કર્યો છે. ઉલ્લેખનીય છે કે, ભાવિનાએ ગયા વર્ષે ટોક્યો પેરાલિમ્પિક્સમાં સિલ્વર મેડલ જીત્યો હતો, જે પેરાલિમ્પિક ઈતિહાસમાં પેરા ટેબલ ટેનિસમાં ભારતનો પ્રથમ મેડલ હતો. આ અગાઉ પણ ભાવિન પટેલે 2021ના ઓગસ્ટ મહિનામાં ટોક્યો પેરાઓલિમ્પિકના ફાઈનલમાં પહોંચી હતી. અગાઉ તેમણે ટોક્યોની રમતમાં મહિલા એકલ ક્લાસ 4ના સેમિફાઈનલમાં ચીનની ઝાંગ મયાઓને 7-11, 11-7, 11-4,9-11,11-8થી માત આપી હતી.