સુનાવણી / 'બેવડા વળતરની ખેડૂતો આશા ન રાખે': પાક વીમા વળતરની અરજી મુદ્દે હાઈકોર્ટની ટકોર

• બેવડા વળતરની આશા ના રાખે;હાઈકોર્ટ 
• ખેડૂતોને થયેલી નુકશાનીનું ચુકવણુ જરૂરી 
• ખેડૂતોને વળતર માટે રાજ્યની નવી નીતિ 

ગુજરાત હાઈકોર્ટમાં પાક વીમા વળતરની અરજી મુદ્દે  સુનાવણી થતા ગુજરાત હાઈકોર્ટે નોંધ્યું કે, ખેડૂતો બેવડા વળતરની આશા ના રાખે અને વીમા કંપને એ પણ વળતર મુદ્દે ખુલાસો કરવો જોઈએ.હાઈકોર્ટે ત્યાં સુધી કહ્યું કે, ખેડૂતોને પાક નુકશાનીનું વળતર મળવુ જોઈએ.અને ખેડૂતોને થયેલી નુકશાનીનું ચુકવણુ પણ  જરૂરી છે. નુકશાની મુજબ વળતર મેળવવા ખેડૂતો હકદાર છે 

બીજી તરફ ખેડૂતોને કેટલીક રાહત આપતા નવીન વીજ ટ્રાન્સમિશન લાઇનો અને ટ્રાન્સમિશન ટાવર ઊભા કરવા માટે અસરગ્રસ્ત ખેડૂતો/ જમીનધારકોને નૂકશાની પેટે અપાતા વળતર અંગે નવી નીતિ રાજ્ય સરકારના ઊર્જામંત્રી કનુભાઇ દેસાઇ દ્વારા કરવામાં આવી છે.

વીજ ટ્રાન્સમિશન લાઇન, ટાવર ઉભા કરવાની નવી નીતિ જાહેર

ઊર્જા મંત્રી કનુભાઈ દેસાઈએ જણાવ્યું છે કે, મુખ્યમંત્રી ભૂપેન્દ્રભાઇ પટેલના માર્ગદર્શન હેઠળ ખેડૂતો અને જમીન ધારકોની માંગણીને ધ્યાને લઇને, નવીન વીજ ટ્રાન્સમિશન લાઇનો અને ટ્રાન્સમિશન ટાવર ઊભા કરવા અંગે જમીન, પાક, ફળાઉ ઝાડને થતા નુકશાન અંગે અગાઉ નિયત થયેલ વળતરમાં વધારો આપવાનો મહત્વનો નિર્ણય તા.૩૦/૧૨/૨૦૨૧ના ઠરાવથી કર્યો છે. 

જમીનના મૂલ્યના 7.5 ટકાના બદલે બમણુ 15 ટકા વળતર

ઊર્જામંત્રીએ ઉમેર્યુ કે, RoW Corridor(Right of Way Corridor) (ટ્રાન્સમિશન લાઇનના રેષાઓની પહોળાઇ)ના કારણે જમીનના ઉપયોગ બદલ વળતર પેટે જમીનના મૂલ્યના 7.5% બદલે બમણુ એટલે કે,15% લેખે ચૂકવણું કરાશે. ફળાવ ઝાડ તથા અન્ય ઝાડના નુકશાન પેટે વળતર ચૂકવતી વખતે વળતરના મૂલ્યાંકન માટે મહેસૂલ વિભાગ દ્વારા જાહેર કરેલ તા.12.01.2021 ના પરિપત્ર તેમજ ત્યાર બાદ સમય-સમયે સુધારેલ પરિપત્ર પ્રમાણે નક્કી કરેલા દરો લાગુ પડશે. જેથી ખેડૂતોને નુકશાનના પ્રમાણમાં વળતર મળી રહેશે.