IPL 2023 / VIDEO: ગાંધીનગરમાં ગલી ક્રિકેટની મજા લેવા ઉતર્યા ગુજરાત ટાઈટન્સના ખેલાડીઓ, સ્ટાર્સને જોઈએ છોકરાઓ થઈ ગયા ખુશ

• ગાંધીનગરની ગલી ક્રિકેટમાં સ્ટાર ક્રિકેટરોનો જલવો
• રાશિદ ખાન, ઓડિયન્સ સ્મિત અને નૂર અહેમદે ગલી ક્રિકેટમાં હાથ અજમાવ્યો
• બાળકો અને સ્થાનિક યુવાનો આશ્વર્યચકિત

હાલમાં ipl 2023 નો જોરદાર માહોલ જામી રહ્યો છે. બીજી બાજુ વેકેશન જેવો માહોલ હોવાથી ઠેર-ઠેર ગલી ક્રિકેટના દ્રશ્યો દેખાઈ રહ્યા છે. આવી સ્થિતિ વચ્ચે ગાંધીનગરમાં ગુજરાત ટાઇટન્સના ત્રણ ખેલાડીઓ મહાત્મા મંદિર પાસેના મેદાનમાં ગલી ક્રિકેટ રમતા જોવા મળતાં બાળકો અને ચાહકો ખુશખુશાલ થઈ ગયા હતા. ગુજરાતમાં આઈપીએલના મેચને લઈ ગુજરાત ટાઇટન્સની ટીમ ગાંધીનગર ખાતે આવેલ મહાત્મા મંદિર નજીકની હોટલમાં રોકાઈ હતી.

Rashid Khan playing street cricket with the Indian fans.

One of the most humble characters of the game! pic.twitter.com/3IelrQA11M

— Mufaddal Vohra (@mufaddal_vohra) May 4, 2023

રાશિદ ખાન, ઓડિયન્સ સ્મિત અને નૂર અહેમદ કેજયુંઅલ વેરમાં રમ્યા ક્રિકેટ

આ દરમિયાન લટાર મારતી વેળાએ યુવાનો ક્રિકેટ રમી રહ્યા હતા. ત્યારે ગુજરાત ટાઇટન્સના રાશિદ ખાન, ઓડિયન્સ સ્મિત અને નૂર અહેમદ કેજયુંઅલ વેરમાં યુવાનો સાથે પહોંચી જઈ અને સામાન્ય માણસની જેમ બેટિંગ અને બોલિંગની મજા માણી હતી. જે અંગેનો વિડીયો યુવાને વાયરલ કર્યા બાદ વહેતો કરતા હાલ સોશિયલ મીડિયા પર ધૂમ વાયરલ થઈ રહ્યો છે. બીજી તરફ ખેલાડીઓએ મહાત્મા મંદિર ખાતે આવેલી લીલા હોટલના સ્વિમિંગ પુલમાં વોલીબોલની પણ મોજ માણી હતી જે અંગેનો પણ વિડીયો સામે આવ્યો છે.

સ્થાનિક યુવાનો આશ્વર્યચકિત
મહાત્મા મંદિર નજીકની હોટલમાં રોકાણ દરમિયાન લટાર મારવા નીકળેલા આ ત્રણેય સ્ટાર ક્રિકેટર ગલીમાં ક્રિકેટ રમતા યુવાનોને જોઈ અને ત્યાં દોડી ગયા હતા. આ દરમિયાન યુવાનોને ક્રિકેટ રમતા નિહાળ્યા બાદ પોતાને પણ રોકી ન શક્યા હોય તેમ યુવાનો સાથે ક્રિકેટ રમવા પહોંચી ગયા હતા. તો ક્રિકેટના સ્ટાર ખેલાડીઓએ ગલી ક્રિકેટમાં જલવો બતાવતા બાળકો અને સ્થાનિક યુવાનો આશ્વર્યચકિત થઈ ગયા હતા.