નિર્ણય / વાલીઓ માટે ખુશખબર! RTE એડમિશન માટે આવકની મર્યાદામાં કરાયો આટલો વધારો

રાજ્યમાં મધ્યમવર્ગને લાભ આપવા માટે શિક્ષણ વિભાગે મોટો નિર્ણય કર્યો છે. RTE હેઠળ પ્રવેશ પ્રક્રિયા માટેની આવક મર્યાદામાં 1.5 લાખથી વધારીને 6 લાખ સુધી કરવામાં આવી છે. ત્યારે હવે વાર્ષિક 6 લાખથી ઓછી આવક ધરાવતા વાલીઓ બાળકોને પ્રવેશ મળશે. ગ્રામ્ય અને શહેરી વિસ્તારમાં આવક મર્યાદા 6 લાખ સુધીની મંજૂર કરાઇ છે.

વાંચો વિગતે પરિપત્ર

વાલીઓ 15 એપ્રિલ સુધી ઓનલાઇન અરજી કરી શકશે

અત્રે જણાવીએ કે, વાલીઓ 15 એપ્રિલ સુધી ઓનલાઇન અરજી કરી શકશે. ત્યારે આ આવક માર્યદામાં વધારો કરવાથી મધ્યમવર્ગના મોટાભાગના લોકોને લાભ મળી શકશે. પરિપત્રમાં જણાવ્યું છે કે, RTE ACT-2009ની કલમ 12.1 (સી) હેઠળ નબળા અને વંચિત જૂથનાં બાળકોને બિન અનુદાનિત ખાનગી પ્રાથમિક શાળાઓમાં શૈક્ષણિક વર્ષ 2025-26માં ધોરણ-1માં વિનામુલ્યે પ્રવેશ આપવાની કાર્યવાહી શિક્ષણ વિભાગના સંદર્ભ-1 દર્શિત ઠરાવની જોગવાઈઓ મુજબ અત્રેની કચેરી દ્વારા તા.19/02/2025નાં રોજ સમાચારપત્રોમાં જાહેરાત આપી https://rte.orpgujarat.com/ પર તા.28-02-2025થી તા.16-02-2025 દરમિયાન ઓનલાઈન અરજી કરવા માટે સમય આપવામાં આવી. અગાઉ ગ્રામ્ય વિસ્તારમાં વાર્ષિક રૂ. 1.20/- લાખ અને શહેરી વિસ્તારમાં રૂ. 1.50/-લાખ આવક મર્યાદા હતી જે શિક્ષણ વિભાગના તા. 13/03/2025ના પત્રથી મળેલ મંજુરી અન્વયે હવેથી ગ્રામ્ય તથા શહેરી વિસ્તારમાં વાર્ષિક રૂ. 6.00/- લાખ કરવામાં આવી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ