અપીલ / Video: 'દાંડિયા ઓછા રમજો પણ...', મહંત ઇન્દ્રભારતી બાપુની દરેક મા-બાપને સલાહ, જુઓ શું કહ્યું

Indrabharti Bapu on Navratri : ગુજરાતની ઓળખ એવા ગરબા એટલે કે નવરાત્રી હવે ટૂંક સમયમાં શરૂ થનાર છે. આપણે ત્યાં નવરાત્રી માત્ર એક તહેવાર નહીં, પણ આસ્થા અને ઉત્સાહનો મેળાવડો પણ છે. નવરાત્રી દરમિયાન પરંપરાગત વેશભૂષા, ગરબા અને દાંડિયાથી રંગાઈ ગયેલ રાતો દરેક લોકો માટે વિશેષ હોય છે. આ તરફ હવે નવરાત્રીના તહેવારને લઈ શ્રી પંચ દશનામ જુના અખાડા કાશીના રાષ્ટ્રીય ઉપાધ્યક્ષ મહંત ઇન્દ્રભારતી બાપુએ લોકોને એક મહત્વપૂર્ણ સંદેશ આપ્યો છે.

ગરબો રમો, પણ સતર્ક રહો: મહંત ઇન્દ્રભારતી બાપુ

શ્રી પંચ દશનામ જુના અખાડા કાશીના રાષ્ટ્રીય ઉપાધ્યક્ષ મહંત ઇન્દ્રભારતી બાપુએ જણાવ્યું કે, નવરાત્રીમાં યુવાનોને ગરબાના નામે મૌજ-મસ્તી કરતા હોય છે, પરંતુ દરેકે વિચારવું જોઈએ કે આ પર્વ માતાજીના ઉપાસનાનું છે, માત્ર મોજમસ્તી માટે નહીં. ખાસ કરીને યુવતીઓ અને બહેનો માટે બાપુએ ચિંતાજનક મુદ્દાઓ ઉપસ્થિત કર્યા છે.

આ સાથે ઇન્દ્ર ભારતી બાપુએ કહ્યું કે, દાંડિયા ઓછા રમજો પણ બહેનો-દીકરીઓ વિધર્મીઓથી સાવચેત રહો. કેટલાક વ્યક્તિઓ ડુપ્લિકેટ આધાર કાર્ડ બનાવી, હાથમાં ભારતીય સંસ્કૃતિના પ્રતિક એવા ટેટૂ લગાવી અને આપણી વચ્ચે ઘૂસીને દેશી નામ ધારણ કરીને બહેનો સાથે ભ્રમ ફેલાવે છે અને તેમને પોતાની ઓળખ છુપાવી ફસાવે છે.

આવા લોકો ખાસ કરીને ગરબા મહોત્સવોમાં ટાર્ગેટ બનાવીને દીકરીઓને લલચાવે છે. આ વાત આજે કોઈ કલ્પિત કહાની નથી રહી ઘણા પ્રસંગો આવા સામે આવ્યા છે જ્યાં વ્યક્તિએ પોતાની ઓળખ છુપાવી, બહેનોની સાથે છેતરપિંડી કરી છે.

જો જરૂર પડે, તો દીકરીઓ માટે માથું આપી દેજો : મહંત ઇન્દ્રભારતી બાપુ

મહંત ઇન્દ્રભારતી બાપુએ કહ્યું કે, પહેલા તો દીકરીઓ માટે માથું આપી દેતા, આજે એટલું તો ધ્યાન રાખો. અને જો જરૂર પડે, તો દીકરીઓ માટે માથું આપી દેજો.

આ પણ વાંચો : ગુજરાતમાં ભારે વરસાદની આગાહી, નવસારી, વલસાડ અને દમણમાં સૌથી વધારે વરસાદ

નવરાત્રીમાં બહેનો આ વાત યાદ રાખી લેજો

• અંજાણ વ્યક્તિઓથી અંતર જાળવો : કોઈ અજાણી વ્યક્તિ ખૂબ મીઠી વાતો કરે કે જલ્દીથી મિત્રતા કરે, તો અલર્ટ થવું જરૂરી છે.
• ઓરીજનલ ઓળખ ચકાસો : કોઈ નવો મિત્ર હોય તો તેનું નામ, ઓળખપત્ર વગેરે વિશે ખાતરી કરો.
• મોબાઈલમાં ડિજિટલ સલામતી : ફોનમાં ટ્રેકિંગ એપ્લિકેશન રાખો અને ફેમિલી સાથે લોકેશન શેર કરો.
• સાથે જાઓ અને સાથે આવો : ગ્રુપમાં ગરબામાં જાવ અને એકલા નહીં આવો-જાવ.
• સુશિલ અને શિષ્ટ વસ્ત્રો પહરો : એવી વસ્ત્રો પસંદ કરો કે જેમાં તમે આરામદાયક અને સુરક્ષિત રહો.
• ઓથોરાઈઝ્ડ અને ઓળખવાળા ઇવેન્ટમાં જ હાજરી આપો : ચેક કરો કે જે ગરબા ઇવેન્ટમાં જઈ રહ્યા છો તે સરકાર દ્વારા મંજૂર છે કે નહીં.
• તમારા હક માટે બોલો : કોઈ શંકાસ્પદ લાગે તો તરત જ ઘરના સભ્યોને કે પોલીસને જાણ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ