ભાવ વધારો / સોના-ચાંદીના ભાવમાં આજે જોરદાર ઉછાળો, જાણો કેટલે પહોંચી કિંમત

Published By: Khyati

Last Updated: 03:23 PM, 13 January 2022

FOLLOW ON

શેર કરો

સોના-ચાંદીની કિંમતમાં થયો ભાવ વધારો, સોનું રુ.48હજારને પાર જ્યારે ચાંદી રુ.61 હજારને પાર

સોના-ચાંદીની કિંમતમાં થયો ભાવ વધારો
10 ગ્રામ સોનાની કિંમત રુ.48હજારને
1 કિલો ચાંદીની કિંમત રુ.61 હજારને પાર

એક તરફ કોરોના કાળ તો બીજી તરફ મોંઘવારી. એક તરફ ધંધા રોજગાર ઠપ્પ તો બીજી તરફ ઘર ચલાવવા માટે પૈસા લાવવા ક્યાંથી. આ તમામ વચ્ચે મધ્યવર્ગે તો પીસાવાનો વારો આવે છે. તેમાં પણ લગ્ન જેવા મોટા પ્રસંગો પુરા કરવા માટે ભારે કમર કસવી પડે છે. થોડા દિવસો પછી લગ્નગાળો શરુ થવાનો છે ત્યારે ફરી એકવાર સોના-ચાંદીના ભાવ આસમાને પહોંચ્યા છે. 10ગ્રામ સોનુ 48 હજારને પાર પહોંચ્યુ છે જ્યારે 1 કિલો ચાંદીની કિમંત 61 હજારથી પણ વધી જવા પામી છે.

સોના-ચાંદીના ભાવ આસમાને

ભારતીય બુલિયન માર્કેટમાં જાહેર કરવામાં આવેલી કિંમતો અનુસાર 999 પ્યોરિટી ધરાવતુ 10 ગ્રામ સોનુ 48 હજાર 80 રુપિયે પહોંચી ગયુ છે. જ્યારે એક કિલો ચાંદીનો ભાવ વધીને 61 હજાર 729 રુપિયા પહોંચ્યો છે.ibjarates.comના જણાવ્યાનુસાર 995 શુદ્ધતા ધરાવતુ 10 ગ્રામ સોનું મોંઘુ થઇને 47,887 રુપિયામાં વેચાઇ રહ્યુ છે. 916 શુદ્ધતા ધરાવતુ સોનું 43571 રુપિયામાં મળી રહ્યુ છે. જ્યારે 750 શુદ્ધતાનું સોનુ રુ.36060, 585 પ્યોરિટી ધરાવતુ સોનુ 28127 રુપિયા ભાવે મળી રહ્યુ છે. એક કિલો ચાંદીનો ભાવ 61,729 સુધી પહોંચ્યો છે.