માઠા સમાચાર / નવરાત્રી પર વધી સોના ચાંદીની ચમક, ખરીદીનો પ્લાન હોય તો હમણાં માંડી વાળજો, જાણી લો લેટેસ્ટ રેટ

• સોનાના ભાવમાં વધારો 
• ચાંદીની કિંમત પણ વધી 
• ગ્લોબલ માર્કેટમાં પણ ભાવવધારો 

ગ્લોબલ માર્કેટમાં સોના ચાંદીના ભાવમાં વધારો 

ગ્લોબલ માર્કેટમાં સોના ચાંદીના ભાવમાં આવેલા વધારાની અસર હવે ભારતીય બજાર પર પણ જોવા મળી રહી છે. શુક્રવાર એટલે કે 30 સપ્ટેમ્બરના રોજ વાયદા બજારમાં સોના અને ચાંદીનાં ભાવ લીલા નિશાન પર ખૂલ્યા હતા. આંતરરાષ્ટ્રીય બજારમાં પણ આજે બંને કીમતી ધાતુઓ સતત બીજા દિવસે વધારા સાથે ટ્રેડ કરી રહી છે. MCX પર સોનાના ભાવ શરૂઆતનાં કારોબારમાં આજે 0.01 ટકાના વધારા સાથે ખૂલ્યા છે. આ પ્રકારે ચાંદીના રેટ પણ આજકાલનાં બંધ ભાવથી 0.48 ટકા વધ્યા છે. 

સોનાના ભાવમાં વધારો 

શુક્રવારે મલ્ટી ક્મોડિટી એક્સચેંજ પર 24 કેરેટ સોનાનો ભાવ 9:10 વાગ્યાથી 6 રૂપિયા વધીને 50,000 રૂપિયા પ્રતિ 10 ગ્રામ થઈ ગયો છે. નોંધનીય છે કે ગુરુવારે MCX પર સોનામાં સવારે કારોબાર ઘટાડા સાથે શરૂ થયો હતો પણ સાંજ સુધીમાં 0.50 ટકા વધારા સાથે બંધ થયો હતો. 

ચાંદીની કિંમત વધી 
મલ્ટી કામોડીટી એક્સચેંજ પર શુક્રવારે શરૂઆતનાં કારોબારમાં ચાંદીનાં ભાવમાં પણ વધારો જોવા મળી રહ્યો છે. આજે ચાંદીનાં ભાવ 267 રૂપિયા વધીને 56,427 રૂપિયા થઈ ગયા છે. ચાંદીમાં ટ્રેડિંગ 56,400 રૂપિયાથી શરૂ થયું હતું અને થોડા સમય બાદ ભાવ વધીને 56,550 રૂપિયા થઈ ગયો, પણ માંગમાં ઘટાડાથી ભાવ ઘટીને 56,427 પર ટ્રેડ કરવા લાગ્યો.