પોપ્યુલર કોરિયોગ્રાફર ગણેશ આચાર્ય પર એક મહિલાએ તેને પોર્ન બતાવવા, તેનું યૌન શોષણ કરવા એ મારપીટ કરવાના આરોપો લગાવ્યા છે. જાણો વિગતવાર
ગણેશ આચાર્ય પર લાગ્યા ગંભીર આરોપ
પોલીસે દાખલ કરી ચાર્જશિટ
કોરિયોગ્રાફરે કહ્યા આરોપોને ખોટા
કોરિયોગ્રાફર ગણેશ આચાર્યની તકલીફો વધવાની છે. એક ડાંસર દ્વારા વર્ષ 2020માં દાખલ કરાવાયેલ કેસમાં હવે કોરિયોગ્રાફર વિરુદ્ધ મુંબઈ પોલીસે ચાર્જશિટ દાખલ કરી છે. તેમની વિરુદ્ધ મહિલા ડાંસરનો પીછો કરવા, જાસૂસી કરવાનો આરોપ છે. ટ્રેની ડાન્સરે આરોપ લગાવ્યો હતો કે ગણેશ આચાર્યે તેમને બળપૂર્વક પોર્ન ફિલ્મ બતાવી અને મોલેસ્ટ કરવાની કોશિશ કરી હતી. આટલું જ નહી, વિરોધ કરવા પર તેમની સાથે મારપીટ પણ કરી હતી.
ગણેશ આચાર્ય પર આરોપ
અંધેરી મેટ્રોપોલિયન કોર્ટમાં ચાર્જશિટ ફાઈલ કરનાર ઇન્સ્પેક્ટર સંદીપ શિંદેએ કહ્યું કે આરોપ પત્રમાં ગણેશ આચાર્ય અને તેમના અસીસ્ટંટ પાર ધારા 354-એ, 354-સી, 354-ડી, 509, 323, 504, 506 અને 34 હેઠળ આરોપ લગાવ્યા છે.
કોરિયોગ્રાફરે કહ્યા આરોપોને ખોટા
ચાર્જશિટ દાખલ કર્યાની પુષ્ટિ કરતા ગણેશે કહ્યું કે તેમને અસત્ય અને નિરાધાર આરોપોમાં ફસાવવાની કોશિશ થઇ રહી છે. જણાવી દઈએ કે આ કેસ બાદ ગણેશ આચાર્ય તરફથી ફરિયાદ કરનાર મહિલા વિરુદ્ધ માનહાનીનો કેસ પણ દાખલ કરવામાં આવ્યો છે. પીડિતાએ આ મામલામાં નેશનલ કમિશન ફોર વુમન યુનિટને પણ ફરિયાદ કરી હતી. તેને પોતાની ફરિયાદમાં કહ્યું હતું કે ગણેશ તેની પાસે ફિલ્મ ઈંડસ્ટ્રીમાં કામ કરવા તથા કમાણીમાંથી કમિશનની પણ માંગણી કરતા હતા. ગણેશનાં વકીલ રવિ સૂર્યવંશીએ કહ્યું કે પોલીએ ચાર્જશિટ વિષે સૂચિત કર્યા નથી.
પીડિતાનું નિવેદન
પોતાની ફરિયાદમાં અસીસ્ટંટ કોરીયોગ્રાફરે આરોપ લગાવ્યો છે કે ગણેશ આચાર્યએ તેમના દ્વારા યૌન સંબંધો ઠુકરાવ્યા બાદ, તેમને હેરાન કરવાની પણ કોશિશ કરી હતી. તેમણે તેમના પર અશ્લીલ કોમેન્ટ્સ કરવા, છેડછાડ કરવાનાં પણ આરોપો લગાવ્યા હતા. મહિલા અનુસાર, ગણેશે કથિત રૂપથી તેને કહ્યું હતું કે તે સફળ થવા માંગે છે, તો તેણે મે 2019માં તેમની સાથે યૌન સંબંધો બનાવવા પડશે. મહિલા ના પાડી દીધી અને છ મહિના બાદ, ગણેશે કહ્યું હતું કે ભારતીય ફિલ્મ અને ટેલીવિઝન કોરિયોગ્રાફર અસોસિએશને તેની સદસ્યતા સમાપ્ત કરી છે.
મારપીટનો પણ આરોપ
જ્યારે મહિલાએ 2020માં એક મિટિંગમાં આચાર્યનાં કાર્યોનો વિરોધ કર્યો, તો કોરિયોગ્રાફરે કથિત રૂપથી તેની સાથે દુર્વ્યવહાર કર્યો હતો. પીડિતાએ કહ્યું હતું કે મહિલા અસીસ્ટંટે મને મારી હતી એ મને ગાળ પણ આપી હતી. જ્યાર બાદ હું પોલીસ પાસે ગઈ જેમણે ફરિયાદ દાખલ કરવાની ના પાડી ડીધી અને માત્ર નોન-કોગ્નીજેબલ કેસ દાખલ કરવામાં આવ્યો હતો. ત્યાર બાદ મેં આ મામલાને આગળ વધારવા માટે એક વકીલનો સંપર્ક કર્યો હતો.