તમારા કામનું / ઘરના ગંદા સ્વિચબોર્ડને આ રીતે કરો સાફ, રસોડામાં પડેલી આ બે વસ્તુથી ચમકવા લાગશે બોર્ડ

ઘરને સુંદર રાખવા માટે તેને સાફ રાખવું જરુરી છે. અનેક લોકો પોતાના ઘરમાં એટલી ચોખ્ખાઈ રાખતા હોય છે કે, તેઓ વારંવાર સફાઈ કરતા હોય છે. જેમાં નીચે ટાઈલ્સોથી લઈ દિવાલો અને ટેબલ, ખૂર્શીઓ પણ વારંવાર સાફ કરવામાં આવે છે. પરંતુ મોટા ભાગના લોકો ઘરના સ્વિચ બોર્ડનેે સાફ કરતા ડરે છે. વિજળીના શોકના ડરથી સ્વિચબોર્ડની સાફ સફાઈ ન થતા તે કાળુ કે પીળુ પડી જતુ હોય છે.  ગંદા સ્વિચ બોર્ડના કારણે ઘરનો લૂક પણ બગડી જતો હોય છે. બોર્ડ પર એવા જિદ્દી ડાઘ હોય છે કે તે આસાનીથી જતા પણ નથી. પરંતુ અમે તમને રસોડાની એવી વસ્તુઓ વિશે જણાવીશું જેનાથી તમે સ્વિચ બોર્ડને સાફ કરી શકો છો.

સફાઈ પહેલા આ વાતનું રાખો ધ્યાન

સ્વિચ બોર્ડને સાફ કરતા પહેલા વિજળીની મેઈન સ્વિચ બંદ કરી દેવી જોઈયે. જેથી તમને શોક લાગવાનો ભય રહેતો નથી. આ સિવાય સફાઈ દરમિયાન હાથમાં રબરના મોજા, પગમાં ચપ્પલ પહેરવાનું ન ભૂલો.

આ વસ્તુથી કરી શકાય છે સફાઈ

 બેકિંગ સોડા

ઘરના ગંદા સ્વિચ બોર્ડને સાફ કરવા બેકિંગ સોડા ઉપયોગમાં આવી શકે છે. એક વાટકીમાં બેકિંગ સોડા લઈને તેમાં લીંબુ નીચોવીને મિક્સ કરી દો. બાદમાં જૂના ટૂથબ્રશથી તમે સ્વિચબોર્ડને સોડાથી સાફ કરી શકો છો.

વાઈટ વિનેગર

સફેદ Vinegarથી ઘરના ગંદા સ્વિચ બોર્ડને સાફ કરી શકાય છે. તેનાથી તમારુ બોર્ડ ચમકવા લાગશે. એના માટે 1 કપ પાણીમાં બે ચમચી Vinegar અને એક ચમચી લીંબુ રસ ભેળવી દો. બાદમાં તેને જૂના બ્રશથી કે કપડાથી સ્વિચ બોર્ડને સાફ કરવુ.

વધુ વાંચો : ફોનની ગંદી સ્ક્રીનને કઈ રીતે ચકાચક કરવી? આ ટિપ્સ અપનાવો, ફોન નવા જેવો લાગશે

ઉલ્લેખનીય છે કે આ સફાઈ બાદ તુરંત વિજળીની મેઈન સ્વિચ ઓન ન કરવી જોઈયે. તેનાથી કરંટ ફેલાઈ શકે છે. અડધા કલાક બાદ જ સ્વિચ ઓન કરવી.