નવીનીકરણ / અમદાવાદમાં 200 જેટલા ટ્રાફિક પોલીસ બૂથ નવા કલેવર ધારણ કરશે, સૌથી મોટો સવાલ 'કલ્ચર'બદલાશે ?

• અમદાવાદમાં અલગ પ્રકારના ટ્રાફિક બૂથ 
• હવે સવલતયુક્ત ટ્રાફિક પોલીસ બૂથ 
• યુનિ. પાસે વૉકી ટોકી સ્ટાઈલનું બૂથ 

અમદાવાદ પોલીસ ટ્રાફિક બુથમાં મોટું પરિવર્તન આવ્યું છે પંચવટી બાદ યુનિવર્સિટી પાસે અલગ  ડિઝાઇનની ટ્રાફિક બુથનું  નિર્માણ થયું છે. યુનિવર્સિટી પાસે વોકી ટોકી થીમ પર  ટ્રાફિક બુથ બનાવવામાં આવી છે નવા અંદાજમાં બનેલ ટ્રાફિક ચોકી લોકો માટે પણ આકર્ષક નું કેન્દ્ર બની છે આ પહેલા પંચવટી સરકાર પાસે પણ અનોખા અંદાજમાં ટ્રાફિક બુથ બની છે જે બાદ હવે ગુજરાત યુનિવર્સિટીની પાસે બનેલી ચોકીમાં પેન્ટ્રી washroom સહિતની વ્યવસ્થા રાખવામાં આવશે આગામી દિવસમાં અમદાવાદમાં 200 જેટલા આવા અનેક ટ્રાફિક બુથ નું નિર્માણ થશે.

અમદાવાદને સ્માર્ટસિટી બનાવવાના પ્રયાસો ચાલી રહ્યા છે. શહેરમાં હાઇરાઇઝ બિલ્ડિંગો, બ્રિજ, મેટ્રો ટ્રેન, રિવરફ્રન્ટ સહિત તમામ આધુનિક સુવિધાઓ છે.  હવે જાણે કે અમદાવાદની ઓળખ જ બદલાઇ ગઇ છે. ત્યારે ટ્રાફિક પોલીસ બુથમાં પણ મોટા ફેરફારો જોવા મળશે. અમદાવાદમાં 200થી વધારે પાકા ટ્રાફિક બૂથ નિર્માણ પામશે. જી હા, શહેરમાં ટ્રાફિક પોલીસ માટે  સાવ નાની ઓરડી કે પછી પતરાનો શેડ  ઉભો કરવામાં આવે છે તો એવા ઘણા વિસ્તારો છે જ્યાં ટ્રાફિક પોલીસ માટે કોઇ જ સવલત હોતી નથી. 

ટોયલેટ-પેન્ટ્રીની હશે સુવિધા

અમદાવાદમાં 200થી વધુ પાકા ટ્રાફિક પોલીસ બૂથનું નિર્માણ થશે. જેમાં અલગ અલગ ડિઝાઇનના ટ્રાફીક બૂથ બનાવવામાં આવશે. યુનિવર્સિટીમાં વૉકી ટોકી સ્ટાઈલનું ટ્રાફિક પોલીસ બૂથ બનાવાયું છે. જો કે અત્યાર સુધી ટ્રાફિક પોલીસ ચોકીમાં ટોયલેટ બાથરુમની કોઇ સુવિધા ન હતી. જો કે નવી ટ્રાફિક પોલીસ ચોકીમાં ટોઇલેટ અને પેન્ટ્રીની સુવિધા કરવામાં આવશે.  અલગ અલગ થીમ પર અમદાવાદમાં 200 ટ્રાફિક બૂથનું નિર્માણ પ્રગતિ પર છે.

વોકી ટોકી લુક ધરાવતી ટ્રાફિક પોલીસ બૂથ

શહેરના વિવિધ જગ્યાઓ પર આકર્ષક દેખાવ ધરાવતા ટ્રાફિક પોલીસ બૂથ બનાવવામાં આવશે. જે અંતર્ગત દાદાસાહેબના પગલા પાસે યુનિવર્સિટી ખાતે વૉકી ટોકી લુક ધરાવતા ટ્રાફિક પોલીસ બુથનું નિર્માણ કરવામાં આવ્યુ છે.