મનોરંજન / શાહરુખ ખાનનો દીકરો આર્યન ખાન ફિલ્મી ડેબ્યૂ માટે તૈયાર, હીરો નહીં પણ આ 'રોલ'થી કરશે કરિયરની શરૂઆત

• શાહરુખના પુત્ર આર્યન ખાન લેખક તરીકે કરશે ડેબ્યૂ 
• વેબ સીરિઝના લેખનનું કામ પૂરું થઈ ગયું છે 
• વર્ષના અંત સુધીમાં વેબ સિરિઝનું શૂટિંગ શરૂ થઈ શકે છે 

આર્યન ખાન લેખક તરીકે કરશે ડેબ્યૂ 

શાહરુખ ખાન અને ગૌરી ખાનના પુત્ર આર્યન ખાન મનોરંજનની દુનિયામાં વેબ સીરિઝના માધ્યમથી એન્ટ્રી કરશે. રિપોર્ટ અનુસાર, આર્યન ખાન જલ્દી જ એક વેબ સીરિઝમાં એક્ટર તરીકે નહીં, પણ લેખક તરીકે પોતાનો ડેબ્યૂ કરવા જઈ રહ્યા છે. જણાવવામાં આવે છે કે 24 વર્ષના આર્યને વેબ સીરિઝની સ્ટોરી લખવાનું કામ પૂરું કરી લીધું છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Aryan Khan (@___aryan___)

વેબ સીરિઝના લેખનનું કામ પૂરું થઈ ગયું છે 

એક રિપોર્ટ અનુસાર, આર્યન ખાનની આ સીરિઝમાં એક્ટર્સની શોધ ચાલી રહી છે. તેમનું લેખનનું કામ પૂરું થઈ ચૂક્યું છે. જણાવવામાં આવે છે કે આર્યન ખાન પોતે જ કાસ્ટિંગ માટે એક્ટર્સની પ્રોફાઇલ્સ તપાસી રહ્યા છે. 

વર્ષના અંત સુધીમાં શરૂ થશે સીરિઝ 
રિપોર્ટ અનુસાર, આર્યન ખાન ઈચ્છે છે કે સીરિઝ માટે એવા કલાકારોની પસંદગી કરવામાં આવે કે જે પાત્ર માટે ફિટ બેસતા હોય. આ જ કારણ છે કે આર્યન લેખન બાદ સીરિઝનાં કલાકારોના કાસ્ટિંગનું કામ જોઈ રહ્યા છે. ઘણા કલાકારો આ સીરિઝ માટે ઓડિશન આપી ચૂક્યા છે. ઘણા કલાકારોનાં નામ પર ચર્ચા ચાલી રહી છે. રિપોર્ટ અનુસાર, આ વેબસીરિઝનું શૂટિંગ આ વર્ષના અંત સુધીમાં શરૂ થઈ જશે. 

 

 

 

 

View this post on Instagram

 

 

 

 

 

 

 

 

 

 

 

A post shared by Aryan Khan (@___aryan___)

જણાવી દઈએ કે શાહરુખ ખાને હાલમાં જ એક ઇન્ટરવ્યૂમાં જણાવ્યું હતું કે આર્યન ખાનની રુચિ એક્ટિંગમાં નથી. આર્યનને નિર્દેશન અને લેખનનું કામ વધારે પસંદ છે. ફિલ્મમેકર બનવા માટે આર્યન ગત ચાર વર્ષોથી મહેનત કરી રહ્યો છે. તે લેખન અને નિર્દેશન સાથે જોડાયેલી વિશિષ્ટતાઓને શીખવાની કોશિશ કરી રહ્યો છે.