રોગચાળો / અમદાવાદમાં જાન્યુઆરીથી આ રોગોનું તાંડવ, અચાનક હોસ્પિટલોના ધક્કા વધ્યા, લાંભા સહિત 2 વિસ્તાર હોટસ્પોટ

• શહેરમાં રોગચાળો યથાવત
• જાન્યુઆરીમાં નોંધાયેલા કેસ આવ્યા સામે
• કમળાના 111 કેસ, ટાઈફોઈડના 203 કેસ

અમદાવાદ શહેરમાં છેલ્લા દિવસોથી બાઈક પર જવું ભારે પડી રહ્યું છે. કારણ છે મોલો મસીનો પ્રમાણ બહુ છે. રસ્તા પર મોટી સંખ્યામાં મોલો મસી જીવાત જોવા મળી રહી છે. જે શહેરીજનો માટે માથાનો દુખાવો બની ગયો છે. ત્યારે તંત્ર દ્વારા પણ ફોગિંગની કાર્યવાહી કરવામાં આવી રહી છે. તો બીજી તરફ શહેરમાં રોગચાળામાં પણ વધારો થયો છે 

રોગચાળાએ ફરી માથું ઉચક્યું
અમદાવાદ શહેરમાં ફરી એકવાર રોગચાળાએ માથું ઉચક્યું છે. જાન્યુઆરી માસમાં ઝાડા ઉલટીના 317 કેસ નોંધાયા હતા. જ્યારે કમળાના 111 ટાઇફોઇડના 203 કેસ, કોલેરાના 7 કેસ સામે આવ્યા. જાન્યુઆરી માસમાં લાંભા, વટવા, વસ્ત્રાલમાં કોલેરાના કેસ વધુ નોંધાયા. અત્રે જણાવીએ કે શહેરમાં મચ્છજન્ય કેસ વધારો જોવા મળ્યો છે. સાદા મેલેરિયાના 10 કેસ, ઝેરી મેલેરિયાના 6 કેસ, ડેન્ગ્યુના 47 કેસ નોંધાયા છે. કોર્પોરેશન દ્વારા 3712 જેટલા સેમ્પલ લેવામાં આવ્યા છે જેમાંથી 41 જેટલા સેમ્પલ અનફિટ સાબિત થયા છે.

મસીની ફરિયાદ મળતા 7 ઝોનમાં ફોગિંગની કાર્યવાહી 
અમદાવાદ શહેરમાં ઉડતી મસીનું પ્રમાણ વધ્યું છે, ત્યારે AMC આરોગ્ય વિભાગને મસીની મોટી સંખ્યામાં ફરિયાદ મળી છે. મસીની ફરિયાદ મળતા 7 ઝોનમાં ફોગિંગની કાર્યવાહી હાથ ધરી છે. 75 હેડ ઓપરેટિવ મશીનથી ફોગિંગની કામગીરી ધમધોકાર શરૂ કરાઈ છે. 14 વ્હિકલ માઉન્ટેન્ટ મશીન દ્વારા પણ કેટલાક વિસ્તારમાં ફોગિંગ કરવામાં આવી રહ્યું છે

વાંચવા જેવું:  અમદાવાદ એરપોર્ટ પરથી મળી આવ્યું શંકાસ્પદ ડ્રોન, પ્રાથમિક તપાસમાં આવું નીકળ્યું