ઓમિક્રોન સંકટ / ત્રીજી લહેરથી જનતાને બચાવવા ચૂંટણી રેલીઓ અટકાવોઃ અલ્હાબાદ હાઈકોર્ટની PM મોદી અને ચૂંટણી પંચને અપીલ

Hiren

Last Updated: 10:25 PM, 23 December 2021

FOLLOW ON

શેર કરો

અલ્હાબાદ હાઈકોર્ટે દેશ-વિદેશમાં કોરોનાના નવા વેરિયન્ટ ઓમિક્રોનના વધતા સંક્રમણને લઇને ગુરૂવારે દેશના પ્રધાનમંત્રી અને ચૂંટણી પંચને એક અપીલ કરી છે.

દેશમાં ઓમિક્રોનના વધતા સંક્રમણને લઇને અલ્હાબાદ હાઇકોર્ટનું અવલોકન
ચૂંટણી પંચ PM મોદીને અલ્હાબાદ હાઇકોર્ટે કરી અપીલ
ઉત્તરપ્રદેશમાં ચૂંટણીને લઇને જનસભાઓ અટકાવવાનું કર્યુ સૂચન

અલ્હાબાદ હાઈકોર્ટે અપીલ કરતા કહ્યું છે કે, તેઓ ઉત્તરપ્રદેશમાં થનારી આગામી વિધાનસભા ચૂંટણીમાં ત્રીજી લહેરથી જનતાને બચાવવા માટે રાજકીય પાર્ટીઓ દ્વારા ભીડ એકઠી કરીને થતી ચૂંટણી રેલીઓ પર રોક લગાવે.

હાઈકોર્ટે કહ્યું કે, રાજકીય પક્ષોને કહેવામાં આવે કે તેઓ ચૂંટણી પ્રચાર ટીવી અને સમાચાર પત્રોના માધ્યમથી કરે. પ્રધાનમંત્રીને અપીલ કરતા કોર્ટના જજે કહ્યું કે, તેઓ પાર્ટીઓની ચૂંટણી સભાઓ અને રેલીઓને રોકવા માટે કડક પગલા ભરે. પ્રધાનમંત્રી ચૂંટણી ટાળવા પર પણ વિચાર કરે, કારણ કે જાન હે તો જહાન હે.

જણાવી દઇએ કે બંગાળ ચૂંટણી દરમિયાન કોરોનાના વધતા કેસને જોતા રાહુલ ગાંધીએ પોતાની રેલીઓ રદ્દ કરી દીધી હતી. તેમણે બીજા નેતાઓને પોતાની રેલીઓ અને જનસભાને રદ્દ કરવાની અપીલ કરી હતી. રાહુલ ગાંધીએ કહ્યું હતું કે, બીજા નેતા પણ આ રેલીઓના પરિણામ અંગે વિચારે.

ઉત્તરપ્રદેશમાં કોરોનાના 31 નવા કેસ

ઉત્તરપ્રદેશમાં કોરોનાના નવા કેસની સંખ્યા વધવા લાગી છે. ઉચ્ચ મુખ્ય સચિવ સ્વાસ્થ્ય અમિત મોહન પ્રસાદે ગુરૂવારે જણાવ્યું કે, પ્રદેશમાં છેલ્લા 24 કલાકમાં 1.91 લાખથી વધુ ટેસ્ટ કરાયા છે. તેમાંથી 31 નવા કેસ સામે આવ્યા છે અને 12 લોકો સાજા થયા છે.

સંકળાયેલા મુદ્દાઓ

Coronavirus omicron variant ઓમિક્રોન વેરિયન્ટ કોરોના વાયરસ uttar pradesh election