બડે મિયાં છોટે મિયાં / અક્ષય કુમારે લીધા ટાઈગર શ્રોફ કરતા ચાર ગણા વધારે રૂપિયા, જાણો ફિલ્મ માટે કોને કેટલા રૂપિયા મળ્યા

અક્ષય કુમાર અને ટાઈગર શ્રોફ અભિનીત ફિલ્મ 'બડે મિયાં-છોટે મિયાં', જબરદસ્ત એક્શન અને વિસ્ફોટક ફાઈટ સિક્વન્સથી ભરેલી અને અક્ષય કુમારની જોરદાર સ્ટાઈલ જ નહીં પરંતુ ટાઈગરના અદભૂત સ્ટંટ પણ આ ઈદ પર દર્શકો માટે એક ભેટ છે. અહીં અમે તમને આ ફિલ્મની સ્ટાર કાસ્ટની ફીનો પરિચય કરાવી રહ્યા છીએ. ફિલ્મ 'બડે મિયાં-છોટે મિયાં' રૂપિયા 350 કરોડના જંગી બજેટમાં બની છે. જ્યારે ટાઈગર શ્રોફે આ ફિલ્મ માટે મોટી રકમ વસૂલ કરી છે, ત્યારે તમને જાણીને આંચકો લાગશે કે અક્ષય કુમારે ટાઈગરની ફી કરતા લગભગ ચાર ગણી વધારે વેતન લીધી છે.

રિપોર્ટ્સનું માનીએ તો ટાઈગર શ્રોફે આ ફિલ્મ માટે 20 કરોડ રૂપિયાની જોરદાર ફી લીધી છે. જ્યારે અક્ષય કુમારે ફિલ્મ બડે મિયાં-છોટે મિયાંમાં કામ કરવા માટે 75 કરોડ રૂપિયાની ભારે ફી વસૂલ કરી છે.આ ફિલ્મમાં સોનાક્ષી સિન્હા અને માનુષી છિલ્લર પણ લીડ રોલમાં જોવા મળશે. આ ફિલ્મ માટે બંને અભિનેત્રીઓએ 2-2 કરોડ રૂપિયાની ફી લીધી છે. અલાયા એફએ આ ફિલ્મમાં કામ કરવા માટે 1 કરોડ રૂપિયા ફી લીધી છે.

વધુ વાંચો : શું જ્હાનવી કપૂરનું ગોઠવાઇ ગયું? ગળામાં પિયાના નામના નેકલેસે જગાવી ચર્ચા

દક્ષિણ ભારતીય ફિલ્મ અભિનેતા પૃથ્વીરાજ સુકુમારને આ ફિલ્મમાં કામ કરવા માટે 5 કરોડ રૂપિયાની ફી લીધી છે. રિપોર્ટ્સ અનુસાર, રોનિત રાયે આ ફિલ્મ માટે લગભગ 1 કરોડ રૂપિયાની ફી લીધી છે. અલી અબ્બાસ ઝફરના નિર્દેશનમાં બનેલી આ ફિલ્મમાં જોરદાર એક્શન સિક્વન્સ દર્શકોનો રોમાંચ વધારતા જોવા મળે છે. આ ફિલ્મને લઈને ઘણા સમયથી ચર્ચા ચાલી રહી હતી અને હવે દર્શકો અક્ષયની દમદાર એક્શન અને ટાઈગર શ્રોફની અદભૂત લડાઈને એકસાથે જોઈ રહ્યા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો