જનતા ત્રાહિમામ / મોંઘવારીનો વધુ એક ડામ: તહેવારો ટાણે જ અદાણી CNG ગેસના ભાવમાં વધારો, આજથી નવા રેટ લાગુ

• ગુજરાતની જનતા પર મોંઘવારીનો વધુ એક માર
• અદાણી CNGના ભાવમાં 3 રૂપિયાનો વધારો
• CNG ગેસનો નવો ભાવ રૂ.86.90 પ્રતિ કિલો થયો

ગુજરાતની જનતા પર વધુ એક મોંઘવારીનો માર પડ્યો છે. ગુજરાતમાં થોડા સમયની સ્થિરતા ફરીવાર અદાણી CNGના ભાવમાં વધારો થયો છે. નેચરલ ગેસના ભાવમાં પહેલા ઘટાડો કરાયો હતો. જ્યાર બાદ ફરીવાર અદાણી CNGના ભાવમાં વધારો કરવામાં આવ્યો છે. સીએનજીના આજના ભાવમાં ત્રણ રૂપિયાનો વધારો કરાતા CNG ગેસનો નવો ભાવ આજે 86.90 રૂપિયા પ્રતિ કિલો થઇ ગયો છે.

અદાણી CNG ગેસના ભાવમાં ત્રણ રૂપિયાનો વધારો, હવે રૂ.86.90 માં મળશે એક કિલો ગેસ#AdaniGas

— VTV Gujarati News and Beyond (@VtvGujarati) October 1, 2022

18 ઓગસ્ટના રોજ અદાણી સીએનજીના ભાવમાં કરાયો હતો ઘટાડો

ઉલ્લેખનીય છે કે, તારીખ 18 ઓગસ્ટના રોજ અદાણી સીએનજીના ભાવમાં ઘટાડો કરવામાં આવ્યો હતો. ત્યારે સીએનજીનો ભાવ 83.90 થયો હતો. જ્યાર બાદ આજે ફરીવાર CNG ગેસના ભાવમાં 3 રૂપિયાનો વધારો કરવામાં આવ્યો છે. જે વધીને 86.90 થઇ ગયો છે. આ અગાઉ અમદાવાદમાં પહેલા 83.90 રુપિયા પ્રતિ કિલો CNG ગેસ મળતો હતો. આજે આ ભાવ 86.90 રુપિયા પ્રતિ કિલો થઇ ગયો છે.

અત્રે જણાવી દઇએ કે, વધતી જતી મોંઘવારી સામે મધ્યમવર્ગના પરિવારોની હાલત હવે સૂડી વચ્ચે સોપારી જેવી થઇ ગઇ છે. ગઈ કાલે રેપો રેટ બાદ હવે આજે અદાણી CNGના ભાવમાં  વધારો ઝીંકાતા જનતાને તહેવારણ ટાણે જ મોટો ફટકો પડ્યો છે. ગઈ કાલના 83. 90 રૂપિયાના ભાવની સરખામણીએ આજથી લોકોએ 86.90 રૂપિયા ચૂકવવા પડશે.

ONGCના જૂના ક્ષેત્રોના ગેસની કિંમતમાં વધારો

ઉલ્લેખનીય છે કે, ઓઇલ મંત્રાલયના પેટ્રોલિયમ પ્લાનિંગ એન્ડ એનાલિસિસ સેલ (PPAC)ના આદેશ અનુસાર ઓએનજીસી અને ઓઇલ ઇન્ડિયાના જૂના ક્ષેત્રોના ગેસની કિંમત 6.1 ડોલરથી વધારીને 8.57 ડોલર પ્રતિ એમએમબીટીયુ કરવામાં આવી હતી. આ જ દરે દેશમાં ઉત્પાદિત થતા ગેસનો લગભગ બે તૃતીયાંશ ભાગનું વેચાણ થશે. આદેશ અનુસાર રિલાયન્સ ઇન્ડસ્ટ્રીઝ લિમિટેડ અને તેના ભાગીદાર બીપી પીએલસી દ્વારા કેજી બેઝિનમાં કાર્યરત ડી-6 બ્લોક જેવા મુશ્કેલ અને નવા ક્ષેત્રોમાંથી કાઢવામાં આવેલા ગેસની કિંમત 9.92 ડોલરથી વધારીને 12.6 ડોલર પ્રતિ યુનિટ કરવામાં આવી છે. એપ્રિલ 2019 પછી ગેસના દરમાં આ ત્રીજો વધારો હશે. બેન્ચમાર્ક આંતરરાષ્ટ્રીય કિંમતોમાં મજબૂતીને કારણે તેમાં વધારો થયો છે.