ગાંધીનગર / હાઇડ્રોજન પર વાહન ચાલશે, જમીન નહીં હવે દરિયામાં લાગશે પવનચકકીઓ, ટ્રેડ શોમાં રજૂ કરાયા ભવિષ્ય બદલી નાખે તેવા પ્રોજેક્ટ

• ગાંધીનગરમાં ટ્રેડ શોમાં ફ્લોટિંગ સોલાર સ્ટેશનનું પ્રદર્શન
• ગુજરાત પાવર કોર્પોરેશન લિમિટેડે કર્યું પ્રદર્શન
• આગામી દિવસોમાં દરિયામાં સ્થપાશે સોલાર સ્ટેશન

ઉર્જાના હાલ બે સ્ત્રોતથી આપણે અવગત છીએ. એક છે સૌર ઉર્જા અને બીજી છે વીંડ ઉર્જા. મતલબ કે પવનચક્કી મારફતે ઉત્પાદીત થતી ઉર્જા. આગામી દિવસોમાં જમીનની સાથે દરિયામાં પણ પવનચક્કીઓ આપણને જોવા મળશે. ગાંધીનગર ખાતે યોજાયેલા ટ્રેડ શોમાં ગુજરાત પાવર કોર્પોરેશન લિમિટેડ દ્વારા આ પ્રોજેક્ટ રજૂ કરવામાં આવ્યો છે. 

ફ્લોટિંગ સોલાર સ્ટેશન મારફતે મળશે શુદ્ધ ઉર્જા
જ્યાં મોઢેરા ગામ આખું સોલાર પર ચાલે છે તે દર્શાવાયું સાથે જ ખેતી માટે સોલાર સિસ્ટમ કેટલી ઉપયોગી તે પણ દર્શાવાયું. ફ્લોટિંગ સોલાર સ્ટેશન પણ દર્શાવાયું છે. જેની સાથે રાજ્યનું સૌથી મોટું સોલાર સ્ટેશન કે જે કચ્છના ખાવડામાં બનાવાશે. તેનું મોડેલ પણ રજૂ કરાયું છે, કે જ્યાં 30 gw પાવર જનરેટ કરતો આખો પ્લાન્ટ બનાવાશે. જે અદ્યતન અને સૌથી મોટો અને વધુ ઉર્જા ઉતપન્ન કરતો પ્લાન્ટ હશે.

વાંચવા જેવું: ચાર હજારના ડીઝલમાં જે કામ થાય એ 30 રૂપિયામાં થઈ જશે! ગુજરાતમાં ઈલેક્ટ્રિક ટ્રેક્ટરે ઊભું કર્યું આકર્ષણ  

અન્ય ત્રણ પ્રોજેકટ પણ આકર્ષણના કેન્દ્ર બન્યા
ગુજરાત પાવર કોર્પોરેશન લી.ના સ્ટોલ પર અન્ય ત્રણ પ્રોજેકટ પણ આકર્ષણના કેન્દ્ર બન્યા છે. જ્યાં એક પ્રોજેકટ કે જેમાં મોટા ઇલેક્ટ્રિક સ્ટેશનો બને છે. તેના બદલે હવે ત્યાં નાના સ્ટેશનો જોવા મળશે તેવો પ્રોજેકટ રજૂ કરાયો છે. જે સ્ટેશન GIS એટલે કે ગેસ ઇન્સ્યુલેટેડ પર ચાલશે. જે અન્ય હાલના સ્ટેશન કરતા 10માં ભાગની જમીન સ્થાપવામાં આવશે અને જે વધુ વીજળી ઉતપન્ન કરી શકશે. જે પ્રોજેકટ શહેરી વિસ્તાર કે જ્યાં જમીન સમસ્યા હોય છે ત્યાં વધુ ઉપયોગી બનશે તેવું મનાઇ રહ્યું છે. આવનાર સમયમાં હાઇડ્રોજન એટલે કે પાણીમાંથી છુટા પડતા હાઇડ્રોજન પર વાહન ચાલતા જોવા મળશે. જેના પ્લાન્ટનું મોડેલ રજૂ કરાયું હતું. સાથે જ એક મોટું વ્હીકલ જે હાઇડ્રોજન પર ચાલે છે તે દર્શાવાયું છે.