અદ્ભૂત / VIDEO: ફાંકડું હિન્દી બોલતા જૅપનિઝ બાળકને જોઈ ચોંકી ગયા PM મોદી, ખુશ થઈને જુઓ શું પૂછ્યું

• જાપાનમાં પીએમ મોદી મળ્યા બાળકોને
• જેપનિઝ બાળકે હિંદીમાં પીએમ મોદી સાથે કરી વાત
• સોશિયલ મીડિયામાં વીડિયો થયો વાયરલ 

પીએમ મોદી બાળકોના હૃદયમાં પણ ખાસ સ્થાન ધરાવે છે. વિવિધ કાર્યક્રમો દરમિયાન બાળકો પણ પોતાનો પ્રેમ પીએમ મોદી પ્રત્યે વ્યક્ત કરતા જોવા મળે છે. તો પીએમ મોદી પણ બાળકો સાથે સહજતા દર્શાવે છે. ત્યારે ક્વાડ સમિટમાં ભાગ લેવા જાપાન પહોંચેલા પીએમ મોદીનો બાળકો સાથે વાત કરતો એક વીડિયો સોશિયલ મીડિયામાં વાયરલ થઇ રહ્યો છે. ટોક્યોમાં એરપોર્ટ પર પીએમ મોદી સાથે હોટલ ન્યૂ ઓતાની પહોંચ્યા. જ્યાં ભારતીય સમુદાયના લોકોએ પીએમ મોદીનું શાનદાર સ્વાગત કર્યું. આ દરમિયાન જય શ્રી રામ અને મોદી મોદીના નારા લગાવ્યા. આ દરમિયાન પીએમ મોદીએ જાપાની બાળકો સાથે હિંદીમાં વાતચીત કર્યાનો વીડિયો વાયરલ થઇ રહ્યો છે. 

બાળકોને મળ્યા પીએમ મોદી

આ પ્રસંગે પીએમની ઝલક જોઇને બાળકો ઘણા ઉત્સાહિત થઇ ગયા હતા. પીએમ મોદી પોતે પણ પહેલા આ તમામ બાળકોને મળ્યા હતા તેઓની સાથે વાતચીત કરી હતી અને બધાને પ્રોત્સાહિત કર્યા હતા.   આ પ્રસંગે જાપાન અને ભારતીય સમુદાયના ઘણા બાળકો પણ હાજર રહ્યા હતા. ત્યારે પીએમ મોદીની નજર એક જાપાની બાળક પર પડી જે તેમનો ઓટોગ્રાફ માંગતો હતો. ઓટોગ્રાફની સાથે પીએમ મોદીએ તે બાળકના વખાણ પણ કર્યા હતા.

#WATCH | "Waah! Where did you learn Hindi from?... You know it pretty well?," PM Modi to Japanese kids who were awaiting his autograph with Indian kids on his arrival at a hotel in Tokyo, Japan pic.twitter.com/xbNRlSUjik

— ANI (@ANI) May 22, 2022

પીએમ મોદી સાથે બાળકે હિંદીમાં કરી વાત

વીડિયોમાં જોઇ શકાય છે કે પીએમ મોદી એક બાળક સાથે વાત કરી રહ્યા છે. આ બાળક તૂટી ફૂટી હિંદીમાં વાત કરી રહ્યો હતો. બાળકની વાત સાંભળીને પીએમ મોદીએ કહ્યું, વાહ, આપકી હિંદી તો કાફી અચ્છી હૈ, કહાં સે શીખી આપને યે ? બાળકે કહ્યું કે તે હિંદીના ઓનલાઇન ક્લાસ કરી રહ્યો છે. આ ઉપરાંત પીએમ મોદી અન્ય બાળકો સાથે પણ વાત કરતા જોવા મળ્યા.

જાપાનમાં રહેતા ભારતીયોનો માન્યો આભાર

પીએમ મોદીએ જાપાનમાં રહેતા એનઆરઆઈનો આભાર માન્યો છે. તેમણે ટ્વિટ કર્યું, 'જાપાનના ભારતીય સમુદાયે વિવિધ ક્ષેત્રોમાં અગ્રેસર યોગદાન આપ્યું છે. તેઓ ભારતમાં તેમના મૂળ સાથે પણ જોડાયેલા છે. હું જાપાનના ડાયસ્પોરાના ઉષ્માભર્યા સ્વાગત માટે આભાર માનું છું.'

Japan’s Indian community has made pioneering contributions in different fields. They have also remained connected with their roots in India. I thank the Indian diaspora in Japan for the warm welcome. pic.twitter.com/cfMCzM4XVf

— Narendra Modi (@narendramodi) May 23, 2022

મહત્વનું છે કે પીએમ મોદીનું પ્લેન  ભારતીય સમય અનુસાર સવારે 4:20 વાગ્યે ટોક્યોમાં લેન્ડ થયું હતું. બે દિવસની મુલાકાત દરમિયાન પીએમ અમેરિકા, જાપાન અને ઓસ્ટ્રેલિયાના નેતાઓ સાથે વાત કરશે. બે દિવસની મુલાકાતમાં મોદી ત્રણ મોટા દેશોના રાષ્ટ્રાધ્યક્ષો સાથે બેઠક કરશે. આ ત્રણ મોટા દેશો એશિયા, અમેરિકા અને ઓસ્ટ્રેલિયાના ત્રણ ખંડોનું પ્રતિનિધિત્વ કરે છે.