વાહ.. / કચ્છમાં દાબેલી વેચતો યુવાન પ્રવિણ કાપડી રાહુલ દ્રવિડનો જબરો ફેન, ઘરમાં જ બનાવી દીધુ મિની સ્ટેડિયમ

• કચ્છનો યુવાન પ્રવીણ કાપડી રાહુલ દ્રવિડનો બિગ ફેન
• ઘરમાં ધ વોલની દીવાલ બનાવી દ્રવિડના જન્મ દિવસની ઉજવણી કરશે 
• રાહુલ દ્રવિડના ટેસ્ટ વનડે અને ટી-20 મેચના સ્કોર પોતાના ઘરમાં લખ્યા 

ક્રિકેટ જગતમાં પોતાનું નામ ગુજતુ કર્યુ અને જેમણે લોખો લોકોના દિલ જીતી લીધા છે તેવા 'ધ વોલ'ના ઉપનામથી જાણીતા બન્યા છે તેવા રાહુલ દ્રવિડ. તેઓએ દેશના અનેક યુવાઓના દિલ જીતી લીધા છે અને તેમના ચાહકો પણ અનોખા છે. આપણે આજે વાત કરીશું ગુજરાતના કચ્છના એક રાહુલ દ્રવિડના જબરજસ્ત ફેનની, જેણે પોતાના ઘરમાં જ ધ વોલ બનાવી છે.

કચ્છમાં દાબેલી વેચતો યુવાન પ્રવિણ કાપડી રાહુલ દ્રવિડનો ફેન
કચ્છમાં દાબેલી વેચીને પોતાનું ગુજરાન ચાલવતો યુવાન પ્રવિણ કાપડી જે ક્રિકેટર રાહુલ દ્રવિડ ખૂબ જ મોટો ફેન છે. જે રાહુલ દ્રવિડની વિવિધ યોદોને પોતાના ઘરમાં જ કંડારી છે એટલું જ નહી પરંતુ પોતાના ઘરમાં ધ વોલ બનાવી છે. દ્રવિડના દરેક સ્કોર તેની વોલ પર ચોંટાડેલા છે તેમજ રાહુલની વિવિધ મેચોની વિગતો તેણે પોતાના ઘરમાં એક રૂમમાં સાચવી છે. જે બાબતે તેણે ઘરમાં મિની સ્ટેડિયમ બનાવ્યું હોય તેવુ જોવા મળી રહ્યું છે અને તેણે તે રૂમનો નામ 'ધ વોલ ક્રિકેટ સ્ટેડિમ' રાખ્યો છે.

 ધ વોલની દીવાલ બનાવી દ્રવિડના જન્મ દિવસની ઉજવણી કરશે 
પ્રવિણ કાપડીએ કહ્યું કે, વર્ષ 1990થી ક્રિકેટનો શોખ છે પરંતુ કચ્છમાં સુવિધાના અભાવે તે ક્રિકેટર બની શક્યો નથી. ધ વોલના ફેનના જણાવ્યા મુજબ 2009માં દ્રવિડને પ્રથમ વખત રાજકોટના રેસ્કોર્સ મેદાનમાં મળ્યો હતો. 11 મી જાન્યુઆરીએ દ્રવિડનો જન્મ દિવસ છે અને તે ઉજવણીના ભાગરૂપે તેણે 'ધ વોલ સ્ટેડિયમ' બનાવ્યું છે. જન્મદિવસની ઉજવણી રાહુલ દ્રવિડની વિવિધ યાદોને સાચવીને કરશે. આ વોલ પર દ્રવિડે રમેલી ટેસ્ટ વનડે અને ટી-20 મેચના સ્કોર લખ્યા છે. 

ઘરને ધ વોલ રાહુલ દ્રવિડના નામે સમર્પિત કર્યું ?
પ્રવિણ કાપડીને રાહુલના જન્મ દિવસની ઉજવણી કરવાની કંઈક અલગ અંદાઝમાં ઈચ્છા હતી જેથી પોતાના ઘરમાં ધ વોલ બનાવી અને લાઈફ ટાઈમ દ્રવિડની યાદ રહે તેના માટે યુવાને પોતાના ઘરને ધ વોલ રાહુલ દ્રવિડના નામે સમર્પિત કર્યું હોય તેમ અદભૂત સજાવ્યું છે. તેણે તે વોલ પર એક પોસ્ટર પણ લગાવ્યું છે અને જેના પર લખ્યું છે કે, અમારા ઘરની દિવાલ ખૂબજ મજબૂત હતી, ભયંકર ભૂકંપ આવ્યો છતાં ન પડી.