VIDEO / ગુરૂનું સન્માન: 125 વર્ષના યોગગુરૂએ આ ખાસ અંદાજમાં સ્વિકાર્યો પદ્મ પુરસ્કાર, PM મોદી પણ થયાં નતમસ્તક

• રાષ્ટ્રપતિ ભવનમાં આજે પદ્મ પુરસ્કાર એનાયત થયાં
• 125 વર્ષના યોગગુરૂએ ખાસ અંદાજમાં સ્વિકાર્યો પુરસ્કાર
• પીએમ મોદી પણ થયાં આ ગુરૂને નતમસ્તક

યોગના ક્ષેત્રમાં શાનદાર કાર્ય કરવા બદલ રાષ્ટ્રપતિ રામનાથ કોવિંદે આજે 125 વર્ષિય સ્વામી શિવાનંદને પદ્મ શ્રીથી સન્માનિત કર્યા. વારાણસીના રહેવાસી સ્વામી શિવાનંદ વિશે કહેવાય છે કે, તેઓ 125 વર્ષની ઉંમરે પણ સ્વસ્થ છે. રાજધાની દિલ્હીમાં રાષ્ટ્રપતિ ભવનમાં અલગ અલગ ક્ષેત્રોમાં ઉત્કૃષ્ટ યોગદાન આપનારા 128 લોકોને રાષ્ટ્રપતિ રામનાથ કોવિંદે પદ્મ પુરસ્કારોથી સન્માનિત કર્યા છે. 

125 વર્ષની ઉંમરે પણ એકદમ સ્વસ્થ

સ્વામી શિવાનંદનો જન્મ 3 ઓગસ્ટ 1896માં થયો હોવાનું કહેવાયુ છે. તે આ દુનિયાની જાકમજોળથી દૂર રહેવાનું પસંદ કરે છે અને યોગ તથા ધર્મમાં રૂચિ ધરાવતા સ્વામી શિવાનંદ રોજ સવારે 3 વાગ્યે ઉઠે છે અને યોગ કરે છે. આ ઉપરાંત તેઓ ભગવત ગીતા અને માં ચંડીના શ્લોકનું પઠન કરે છે. 

125 Year old #YogaGuru from Kashi, Swami Sivananda receives #PadmaShri award from President #RamNathKovind for his contribution in the field of #Yoga.#PadmaAward @mygovindia@PIBHomeAffairs#PeoplesPadma #PadmaAwards2022 pic.twitter.com/3rVDzed6lQ

— DD News (@DDNewslive) March 21, 2022

 

પ્રધાનમંત્રી પણ ગુરૂ સામે ઝૂક્યા

યોગ ગુરૂ સન્માન લેવા પહોંચ્યા તો, તેઓ વડાપ્રધાન નરેન્દ્ર મોદી આગળ ઘૂંટણીયે પડીને તેમનું અભિવાદન ઝીલ્યું હતું. યોગ ગૂરૂને આવી રીતે જોઈને પ્રધાનમંત્રી પોતે ઉભા થયા અને ઝૂકીને બંને હાથ જોડી યોગ ગુરૂની સામે નતમસ્તક થયા હતા. યોગ ગુરૂએ આ જ અંદાજમાં રાષ્ટ્રપતિનું પણ અભિવાદન કર્યું હતું.

સ્વામી શિવાનંદ ઉપરાંત અસમના રહેવાસી પ્રસિદ્ધ સામાજિક કાર્યકર્તા શંકુતલા ચૌધરીને મરણોપરાંત પદ્મ સન્માન આપવામાં આવ્યું હતું. થોડા દિવસ પહેલા જ 102 વર્ષની ઉંમરે તેમનું નિધન થયું હતું.

આ ઉપરાંત જામિયા મિલિયા ઈસ્લામિયા યુનિવર્સિટીના કુલપતિ પ્રોફેસર નઝમા અખ્તર, જમ્મુ કાશ્મીર નિવાસી પ્રોફેસર વિશ્વમૂર્તિ શાસ્ત્રી, પંજાબ લોક ગાયિકા ગુરમિત બાવા, દક્ષિણ કન્નડમાં ટનલ મૈન તરીકે ઓળખાતા અમાઈ મહાલિંગ નાઈક સહિત કેટલીય હસ્તીઓને પદ્મ પુરસ્કારથી સન્માનિત કરવામાં આવ્યા છે.