ગૂગલબોય / માત્ર 14 મહિનાનાં આ બાળકે વધાર્યું દેશનું ગૌરવ, માત્ર 3 મિનિટમાં બનાવી દીધો વર્લ્ડ રેકોર્ડ

• મધ્યપ્રદેશના યશસ્વી મિશ્રાએ બનાવ્યો રેકોર્ડ 
• માત્ર 14 મહિનાને ઉંમરે કરી બતાવ્યું કરતબ 
• વર્લ્ડ બુક ઓફ રેકોર્ડ્સમાં નોંધાવ્યું નામ 

14 મહિનાના બાળકે નોંધાવ્યો વર્લ્ડ રેકોર્ડ 

માત્ર 3 મિનિટમાં 26 દેશોના નેશનલ ફ્લેગ્સ ઓળખી બતાવીને માત્ર 14 મહિનાના એક બાળકે એક નવો જ રેકોર્ડ બનાવી દીધો છે. 

આ ભારતીય બાળકનું નામ છે યશસ્વી. મધ્યપ્રદેશનો રહેવાસી આ છઓકરો ગૂગલ બોય તરીકે ઓળખાવા લાગ્યો છે અને તેણે પોતાની આગવી ઓળખ તેની ગજબ મેમરી દ્વારા બનાવી દીધી છે. યશસ્વી હવે 194 દેશોના ફ્લેગ ઓળખવાનો રેકોર્ડ બનાવવાની તૈયારી કરી રહ્યો છે. 

સૌથી ઓછી ઉંમરે વર્લ્ડ રેકોર્ડ

યશસ્વી માત્ર 14 વર્ષનો જ છે અને આ ઉંમરે આ કામ કરનારો દૂનયાનો બીજો 'ગૂગલ બોય' બની ગયો છે. જો કે યશસ્વી હજુ સરખું બોલતા પણ શીખ્યો નથી અને સૌથી ઓછી ઉંમરે વર્લ્ડ રેકોર્ડ બનાવવામાં દુનિયાનો પહેલો બાળક બની ગયો છે. યશસ્વીના દાદા ટીચર છે અને તેના પિતા પીઆર અને એડવોકેટ છે. મૂળ રૂપે રીવા શહેરના રહેવાસી સંજય અને શિવાની મિશ્રાનો માત્ર 14 વર્ષનો દીકરો યશસ્વી તેના નામ અનુસાર વિલક્ષણ અને અસધારણ પ્રતિભા ધરાવે છે. તેની આ પ્રતિભાના કારણે જ તે દેશમાં સૌથી નાની ઉંમરે ગૂગલ બોય બની ગયો છે. 

કૌટિલ્યથી પણ આગળ નીકળ્યો 

અગાઉ 'ગૂગલ બોય' ના નામે જાણીતો ટેણિયો કૌટિલ્ય માત્ર ચાર વર્ષની ઉંમરે વર્લ્ડ રેકોર્ડ બનાવી ચૂક્યો છે જ્યારે યશસ્વી હવે માત્ર 14 મહિનાની ઉંમરે આ રેકોર્ડ બનાવી ચૂક્યો છે. બાળપણથી યશસ્વી અદભૂત મેમરીનો માલિક રહ્યો છે. 

આ રીતે માતાપિતાએ ઓળખી ટેલેન્ટ 

જ્યારે તેના માતા પિતાને તેની આ મેમરી વિશે ત્યારે ખબર પડી જ્યારે તેમણે તેને ફૂલ બતાવ્યું હતું. યશસ્વીએ તે ફૂલને ઓળખી બતાવ્યું. બાદમાં તેમણે તેને જે વસ્તુઓ બતાવી તે તમામ તે ઓળખી બતાવતો હતો. તેને એ તમામ વસ્તુઓ યાદ રહેતી હતી. એ વખતે યશસ્વીની ઉંમર 6-7 મહિના હતી. નાની ઉંમરે આ પ્રતિભા જોઈને માતા-પિતાને અહેસાસ થઈ ગયો હતો કે યશસ્વી અદભૂત મેમરીનો માલિક છે. 

ત્યાર બાદ તેમણે યશસ્વીને પહેલા કેટલાક દેશોના નેશનલ ફ્લેગ્સ બતાવ્યા હતા. જ્યારે તેને ઓળખવા લાગ્યો તો તેમણે તેની સંખ્યા વધારવાનું શરૂ કર્યું અને આશ્ચર્યની વચ્ચે તે 11 થી 12 મહિનાની ઉંમરે 65 દેશોના ફ્લેગ્સ અને તેની રાજધાનીની ઓળખ કરી બતાવતો હતો. 

વર્લ્ડ બુક ઓફ રેકોર્ડ્સની ટીમે યશસ્વીને 26 દેશોના નેશનલ ફ્લેગ્સ ઓળખવાનો ટાસ્ક આપ્યો હતો. જે તેણે માત્ર 3 મિનિટમાં પૂરો કરી બતાવ્યો હતો. યશસ્વીએ વર્લ્ડ બુક ઓફ રેકોર્ડ્સમાં પોતાનું નામ નોંધાવ્યું હતું. યશસ્વી આ કરતબ કરી બટાવનારો રીવાનો જ નહીં પણ દેશનો સૌથી પહેલો બાળક છે.