WWE / શું તમને પણ WWE પસંદ છે ? તો તમારા માટે આવ્યા Good News, ભારતમાં જ જોઈ શકાશે LIVE, આ રીતે ટિકિટ કરો બુક

• WWEના ચાહકો માટે સારા સમાચાર સામે આવ્યા
• WWEની લાઈવ ઈવેન્ટ ભારતમાં થવા જઈ રહી છે
• સપ્ટેમ્બરમાં WWE ઈવેન્ટ હૈદરાબાદમાં યોજાશે

WWEની મોટાભાગની ઈવેન્ટો અમેરિકામાં જ યોજાય છે. આ કારણે ઘણા ભારતીય ચાહકોનું WWE લાઈવ જોવાનું સપનું સપનું જ રહી ગયું છે. પરંતુ હવે WWEના ચાહકો માટે સારા સમાચાર આવી રહ્યા છે. ખરેખર હવે WWEની લાઈવ ઈવેન્ટ ભારતમાં થવા જઈ રહી છે. તે 8 સપ્ટેમ્બરે હૈદરાબાદમાં થશે. રમતગમત અને યુવા સેવા મંત્રી ડૉ. વી. શ્રીનિવાસ ગૌડે યુવા ઉન્નતિ, પર્યટન અને સાંસ્કૃતિક વિભાગના અગ્ર સચિવ શૈલજા રમૈયાર અને તેલંગાણા રાજ્ય રમત પ્રાધિકરણના અધ્યક્ષ ડૉ. અંજનેયા ગૌડે રવિવારે કાર્યક્રમનું પોસ્ટર બહાર પાડ્યું હતું. મંત્રાલયે જણાવ્યું કે આપણા દેશમાં બીજી વખત આ ઈવેન્ટનું આયોજન થવા જઈ રહ્યું છે. આ ઈવેન્ટમાં કુલ 28 WWE સુપરસ્ટાર્સ ભાગ લેવાના છે. 

દિગ્ગજો આ ઈવેન્ટમાં ભાગ લશે

ભારતમાં આવનારા સુપરસ્ટાર્સની યાદીમાં વર્તમાન વર્લ્ડ હેવીવેઇટ ચેમ્પિયન સેઠ 'ફ્રિકિન' રોલિન્સ, મહિલા વર્લ્ડ ચેમ્પિયન રિયા રિપ્લે, WWE ટેગ ટીમ ચેમ્પિયન્સ સેમી ઝેન અને કેવિન ઓવેન્સનો સમાવેશ થાય છે. અન્ય મનપસંદ કુસ્તીબાજો જેમ કે જિન્દર મહેલ, ડ્રૂ મેકઇન્ટાયર, બેકી લિન્ચ, નતાલ્યા, મેટ રિડલ, લુડવિગ કૈસર અને અન્ય લોકો પણ આ ઇવેન્ટ માટે હૈદરાબાદમાં હશે. આ ઇવેન્ટમાં ધ ગ્રેટ ખલીની પણ એન્ટ્રી થઈ શકે છે. આ વાતનો ખુલાસો મહિલા WWE સુપરસ્ટાર નતાલ્યાએ કર્યો હતો. નતાલ્યાએ એક ઈન્ટરવ્યુમાં કહ્યું હતું કે મને આશા છે કે ગ્રેટ ખલી આ ઈવેન્ટમાં ચોક્કસપણે એન્ટ્રી કરશે. હું અને ખલી ઘણા સારા મિત્રો છીએ. 

છેલ્લી વખત WWE ઈવેન્ટનું આયોજન વર્ષ 2017માં થયું હતું

ભારતમાં છેલ્લી વખત WWE ઈવેન્ટનું આયોજન વર્ષ 2017માં થયું હતું. આ ઘટના દિલ્હીના ઈન્દિરા ગાંધી સ્ટેડિયમમાં બની હતી. આ ઇવેન્ટમાં ટ્રિપલ એચ, જિન્દર મહેલ, રોમન રેન્સ, બિગ શો જેવા દિગ્ગજો જોવા મળ્યા હતા. આ ઈવેન્ટ્સની ટિકિટ માટે તમારે બુક માય શો (Bookmyshow.com) પર જવું પડશે. તમે માત્ર ઓનલાઈન ટિકિટ બુક કરી શકો છો. આગળની સીટોની કિંમત રૂ.15,000 છે. વચ્ચેની સીટ માટે 12000, નીચેની સીટ માટે 7500 અને પાછળની સીટ માટે 5000 ચૂકવવા પડશે.