World Cup 2023 / વર્લ્ડકપ સેમીફાઇનલ માટે બે ટીમો ફાઇનલ: હવે ચાર ટીમો વચ્ચે જોરદાર ટક્કર, પાકિસ્તાનના વધ્યા ચાન્સ-ન્યૂઝીલેન્ડનું વધ્યું ટેન્શન

• વનડે વર્લ્ડ કપ 2023નું ચિત્ર સ્પષ્ટ
• ભારત અને ઑસ્ટ્રેલિયાની સેમિફાઈન્લમાં એન્ટ્રી
• કુલ 4 ટીમો ટૂર્નામેન્ટની લિસ્ટમાંથી બહાર

ભારતમાં ચાલી રહેલા ICC વનડે વર્લ્ડ કપમાં સેમીફાઈનલનું પિક્ચર ધીમે-ધીમે સ્પ્ષ્ટ થઈ રહ્યું છે. શનિવાર 4 નવેમ્બરનાં ન્યૂઝીલેન્ડ અને પાકિસ્તાની વચ્ચે થયેલ મેચ બાદ સેમીફાઈનલમાં પહોંચનારી બીજી ટીમનું નામ પણ સામે આવી ગયું . ભારતે સળંગ 7 મેચો જીતીને સેમીફાઈનલમાં સૌથી પહેલા એન્ટ્રી કરી હતી. ટૂર્નામેન્ટમાં ઊતરેલી 10માંથી 4 ટીમો તો સેમીફાઈનલમાંથી આઉટ થઈ ગઈ છે જ્યારે 4 ટીમોની વચ્ચે સેમીફાઈનલમાં એન્ટર થવાની જોરદાર ટક્કર ચાલી રહી છે.

Three teams are locked in on eight points as Pakistan kept their #CWC23 campaign alive 👊

Semi-final scenarios ➡️ https://t.co/wFxCrHa1Fk pic.twitter.com/qBc9mtpXL4

— ICC (@ICC) November 5, 2023

પાકિસ્તાનનાં વિજયની અસર સ્કોરકાર્ડ પર 
ICC વનડે વર્લ્ડ કપમાં 4 નવેમ્બરનાં 2 મેચો યોજાઈ. આ બંને મેચની અસર ટૂર્નામેન્ટનાં સ્કોરકાર્ડ પર પડી. ન્યૂઝીલેન્ડે પાકિસ્તાનની ટીમને ધમાકેદાર અંદાજમાં માત આપી. કીવી ટીમે પહેલા બેટિંગ પસંદ કરીને 401 રનનો સ્કોર ઊભો કર્યો. 25.3 ઓવરમાં ફઝર જમાંએ સદી ફટકારી જે બાદ પાકિસ્તાને 1 વિકેટ પર 201 રન બનાવી લીધાં. મેચને વરસાદનાં કારણે રોકવી પડી હતી અને આગળ ન રમી શકાઈ. ડકવર્થ લુઈસ નિયમ અંતર્ગત 21 રનથી આગળ હોવાને લીધે પાકિસ્તાનને વિજયી ઘોષિત કરવામાં આવ્યુ. આ મેચનાં પરિણામની અસર સ્કોરકાર્ડ પર પડી અને સાઉથ આફ્રીકા સેમીફાઈનલમાં સ્થાન બનાવનારી બીજી ટીમ બની ગઈ.

ઈંગ્લેન્ડ ટૂર્નામેન્ટથી બહાર
દિવસની બીજી મેચ ઑસ્ટ્રેલિયા અને ઈંગ્લેન્ડ વચ્ચે હતી. પહેલે બેટિંગ પસંદ કરતાં ઑસ્ટ્રેલિયાની ટીમે 286 રન બનાવ્યાં. ઈંગ્લિશ ટીમ 48.1 ઓવરમાં 253 રન બનાવી શકી. ઑસ્ટ્રેલિયાએ જીત હાસિલ કરવાની સાથે જ પોતાની સેમીફાઈનલ માટેની દાવેદારી પણ મજબૂત કરી દીધી. ઈંગ્લેન્ડની ટીમ આ મેચ હાર્યા બાદ ટૂર્નામેન્ટથી બહાર થનારી ટીમની લિસ્ટમાં શામેલ થઈ ગઈ.

આ 4 ટીમનાં નામ સેમીફાઈનલની લિસ્ટમાંથી બહાર
સ્કોરકાર્ડમાં ભારત અને સાઉથ આફ્રીકાને છોડીને ઑસ્ટ્રેલિયા હાલમાં મજબૂત ટીમ દેખાઈ રહી છે. સ્કોરકાર્ડમાં 10 અંક લઈને આ ટીમ તૃતિય સ્થાન પર પહોંચી છે અને તેની હજુ 2 મેચ બાકી છે. તેવામાં ઓછામાં ઓછા 12 અંકનો સ્કોર તો આ ટીમ બનાવી જ લેશે. ન્યૂઝીલેન્ડ અને પાકિસ્તાનની પાસે 8-8 અંક છે અને બંનેની1-1 મેચ બાકી છે. તેવામાં પાકિસ્તાનને ઈંગ્લેન્ડ સાથે રમવાનું છે જ્યારે ન્યૂઝીલેન્ડની સામે શ્રીલંકાની ટીમ રહેશે. ઈંગ્લેન્ડ અને બાંગ્લાદેશ આ ટૂર્નામેન્ટમાં આગળ તો નહીં જઈ શકે. શ્રીલંકા અને નેધરલેન્ડ્સનાં ખાતામાં 2-2 જીત છે પણ તે પણ સેમીફાઈનલમાં પહોંચે તેવું લાગતું નથી.