મનોરંજન / મને આંટી કહેનારા સામે કેસ કરીશ: ટ્રોલર્સ પર ભડકી સ્ટાર અભિનેત્રી, ટ્વિટર પર ટ્રેન્ડ થયું AUNTY

• અનસૂયા ભારદ્વાજે વિજય દેવરકોંડા અને તેની ફિલ્મને કરી હતી ટ્રોલ 
• વિજય દેવરકોંડા ચાહકોએ ગુસ્સામાં આવીને #Aunty નો ચલાવ્યો ટ્રેન્ડ 
• અનસૂયાએ ટ્રોલર્સને આપી ચેતવણી 

સાઉથની અભિનેત્રી અને એન્કર અનસૂયા ભારદ્વાજ તેની એક્ટિંગ અને સાથે જ તેના વિવાદિત નિવેદનો માટે લોકો વચ્ચે ઘણી ફેમસ છે. વારંવાર તેના વિવાદિત નિવેદનોને કારણે તે ચર્ચાનો વિષય બનીને રહે છે. હાલમાં જ તેને સાઉથના સુપરસ્ટાર વિજય દેવરકોંડા અને અનન્યા પાંડેની રિલીઝ થયેલ ફિલ્મ લાઈગર પર પ્રતિક્રિયા આપીને વિજય દેવરકોંડાનો મજાક ઉડાવ્યો હતો.  

આ વાત વિજય દેવેરાકોંડાના ચાહકોને પસંદ નહતી આવી અને એ પછીથી જ અનસૂયા ભારદ્વાજને સોશિયલ મીડિયા પર ટ્રોલ કરવામાં આવી રહી છે. લોકો તેને આંટી કહીને મજાક બનાવી રહ્યા છે. સાથે જ ટ્વિટર પર આંટી #Aunty ટ્રેન્ડ પણ થઈ રહ્યું છે. 

ચેતવણી 
એવામાં અનસૂયાએ હાલ સોશ્યલ મીડિયા પર તેનો મજાક બનાવી રહેલ લોકોને ચેતવણી આપી દીધી છે. તેને કહ્યું હતું કે, 'અહિયાં મને જે લોકો અપશબ્દ કહી રહ્યા છે બધા લોકોનો મેં સ્ક્રીનશૉટ લઈ લીધો છે. મને આંટી કહીને મજાક બનાવનારના સ્ક્રીનશૉટ પણ આમાં શામેલ છે. આ વાતમાં મારા પરિવારના લોકોને પણ શામેલ કરનાર સહિત દરેક લોકો સાથે હું ફરિયાદ કરીશ. હું આ વાત આટલી આગળ લઈ જઈશ કે તમને દરેક લોકોને અફસોસ થશે કે આવો મારો મજાક ખોટો બનાવ્યો. આ મારી છેલ્લી ચેતવણી છે.' લોકો અનસૂયાને ઘણી ટ્રોલ કરી રહ્યા છે અને આંટી કહીને તેની બોડીશેમિંગ કરી રહ્યા છે. આ વાત પર હવે અનસૂયા ઘણી ભડકી છે અને દરેક લોકોને ખુલ્લેઆમ ચેતવણી પણ આપી છે. 

Here by..taking screenshot of every account abusing me..age shaming me by calling“Aunty”..involving my family into this and I will file a case and take it to a point where you will regret getting to me without any legit reason..this is my final warning..

— Anasuya Bharadwaj (@anusuyakhasba) August 26, 2022

ફિલ્મ અર્જુન રેડ્ડીથી જ ગુસ્સે છે અનસૂયા
વર્ષ 2017માં રિલીઝ થયેલ ફિલ્મ અર્જુન રેડ્ડી સમયે વિજય દેરવકોંડા અને અનસૂયા ભારદ્વાજ વચ્ચે થોડી બોલાચાલી થઈ હતી અને એ વાતને અનસૂયા હાલ સુધી ભૂલી નથી. એ વાતને યાદ કરીને આજે પણ અનસૂયા વિજય દેવરકોંડાની દરેક ફિલ્મનો મજાક બનાવતી આવી છે. પણ આ વખતે વીજયના ફેન્સને આ વાત પસંદ આવી નથી.