વિવાદિત / 'અલ્લાહના ધર્મને દુનિયામાં ફેલાવવો છે તો બનાવવી પડશે મુસ્લિમ આર્મી', પેલેસ્ટાઇનના સ્કૉલરનો ભડકાઉ ભાષણ

• આફીફ શાહિદના ભડકાઉ નિવેદનનો વિડીયો વાયરલ
• 'તલવારના આધારે ઇસ્લામિક શાસન સ્થાપિત કરશું'
• 'અમારુ લક્ષ્ય અલ્લાહના ધર્મને આખી દુનિયામાં ફેલાવવાનું છે'

પેલેસ્ટાઈનના ઈસ્લામિક સ્કોલર આફીફ શાહિદના ભડકાઉ નિવેદનનો એક વીડિયો સોશિયલ મીડિયા પર વાયરલ થઈ રહ્યો છે. આવામાં આફિફ શાહિદ દુનિયાભરમાં તલવારના આધારે ઇસ્લામિક શાસન સ્થાપિત કરવાની વાત કરી રહ્યો છે. એટલું જ નહીં શાહિદે યહૂદીઓ અને બિનમુસ્લિમોને ખતમ કરવાની વાત પણ કરી હતી. અફીફ શાહિદે આ નિવેદન પેલેસ્ટાઇનના તુળકર્મા શહેરની બિલાલ બિન રાબાહ મસ્જિદમાં આપ્યું હતું. આમ જોવા જઈએ તો આ પહેલી વાર નથી કે આફિફ શાહિદે ભડકાઉ નિવેદન આપ્યું હોય, આ પહેલા પણ તે અનેકવાર આવું કરી ચૂક્યો છે. આખરે કોણ છે અફીફ શાહિદ, આવો જાણીએ.

અલ્લાહને ન માનનારા બધા સામે લડો
બિલાલ બિન રબાહ મસ્જિદમાં આફીફ શાહિદે મુસ્લિમ સેના બનાવવાની વાત કરતા કુરાનની કેટલીક કલમો પણ સંભળાવી હતી. આ સાથે તેમણે ઇસ્લામ ફેલાવવા માટે બિનમુસ્લિમોને મારવાની વાત પણ કરી હતી. શાહિદ આફિફે વધુમાં કહ્યું- અમારુ લક્ષ્ય અલ્લાહના ધર્મને આખી દુનિયામાં ફેલાવવાનું છે. અમે એક હિંસક સેના બનાવીશું અને અલ્લાહ અને ધ લાસ્ટમાં વિશ્વાસ ન કરનારા તમામ લોકો સામે લડીશું. અમે તે બધા લોકો સામે લડીશું જેઓ અલ્લાહ અને તેના છેલ્લા પયગંબરમાં માનતા નથી.

દુનિયા પર રાજ કરવાનું છે
આફીફ શાહિદે વધુમાં કહ્યું- દુનિયામાં મુસ્લિમોએ શાસન કરવા અને ઇસ્લામ ફેલાવવા માટે પર્શિયન અને બૈઝેન્ટાઇન સામ્રાજ્યો પર હુમલો કર્યો હતો. ઈઝરાયેલમાં જે લોકો હથિયાર ઉઠાવશે અને તમામ યહૂદીઓને મારી નાખશે તે જ પેલેસ્ટાઈનને આઝાદ કરાવી શકશે. ટૂંક સમયમાં જ મુસ્લિમોનો ખલીફા ઉભરશે, જે આખી દુનિયા પર રાજ કરશે. આફીફ શાહિદે કહ્યું- જ્યાં પણ તમે બહુદેવવાદીઓને (જે એકથી વધુ દેવી-દેવતાની પૂજા કરે છે) જુઓ, તેમને મારી નાખો.

સમગ્ર વિશ્વને જીતવાનું છે.
અફીફ શાહિદ વ્યવસાયે ડેન્ટિસ્ટ છે, પરંતુ તે પોતાની કટ્ટરવાદી વિચારધારા અને ભડકાઉ ભાષણ માટે જાણીતો છે. થોડા દિવસ પહેલા વાયરલ થયેલા એક વીડિયોમાં શાહિદે કહ્યું હતું- 8 દાયકા પહેલા અમને પેલેસ્ટાઈનમાંથી હાંકી કાઢવામાં આવ્યા હતા. હવે અમે પેલેસ્ટાઇનના દરેક જગ્યા પર કબજો જમાવીશું. આપણે માત્ર પેલેસ્ટાઈન પર જ કબજો કરવાનો નથી, પરંતુ તેને એક એવું કેન્દ્ર બનાવવાનું છે જ્યાંથી સમગ્ર વિશ્વને જીતવા માટે યુદ્ધ શરૂ કરી શકાય.