- બળવાખોર નેતાને લઈ સી આર પાટીલનું નિવેદન
- આ લોકોનું અશિસ્ત ચલાવી લેવામાં નહીં આવે: પાટીલ
- જીતશે તો પણ પરત લઇશું નહીં: પાટીલ
ગુજરાત વિધાનસભાની ચૂંટણીના પ્રથમ તબક્કામાં મતદાન થઈ ચૂક્યું છે તેમજ ઉત્તર અને મધ્ય ગુજરાતનો પ્રચાર પડઘમ શાંત થયો છે. બીજા તબક્કાની 93 બેઠકોના પ્રચારનો આજે છેલ્લો દિવસ હતો. આ તમામ બેઠકો પર આજે પાંચ વાગ્યા બાદ પ્રચાર પડઘમ શાંત થયા છે જે બાદ ભાજપ પ્રદેશ પ્રમુખ સી આર પાટીલનો બળવાખોર નેતાને લઈ મોટું નિવેદન સામે આવ્યું છે.
બળવાખોર નેતાઓને લઈ સી આર પાટીલનું નિવેદન
બળવાખોર નેતાને લઈ પ્રદેશ ભાજપ પ્રમુખ સી આર પાટીલનું મોટું નિવેદન સામે આવ્યું છે તેમણે જણાવ્યું કે, ભાજપનો કાર્યકર્તા સંવેદનશીલ છે, અમુક કાર્યકર્તાની ટિકિટ કપાઇ છે અને કાર્યકર્તાએ ટિકિટ માંગી હોય તો નારાજગી આવી હશે. તેમણે જણાવ્યું કે, સ્થાનિક સ્વરાજની ચૂંટણીમાં વિરોધમાં ગયા અને જીત્યા તો પણ પક્ષમાં નથી લીધા અને આ લોકોનું અશિસ્ત ચલાવી લેવામાં નહીં આવે. તેમણે બળવાખોર નેતાઓને લઈ જણાવ્યું કે, તેવા લોકો પર તાત્કાલિક પગલા લીધા છે અને જે લોકો જીતશે તો પણ પરત લઇશું નહીં તેમણે કહ્યું કે, 4થી 5 લોકોએ ઉમેદવારી કરી છે.
.JPG)
પેજ સમિતિને લઈ શુ કહ્યું
પાટીલે જણાવ્યું કે, પ્રધાનમંત્રી મોદીનો અને અમિત શાહનો આભાર માનું છું તેઓ સતત ગુજરાત રહ્યાં છે. તેમણે કહ્યું કે, 93 વિધાનસભમાં મતદાન બાકી છે જ્યાં મતદારો પોતાનો મત અવશ્ય આપે તેમણે જણાવ્યું કે, પેજ સમિતિ સારી કામગીરી કરી છે અને તેમનુ કામ છે ભાજપ તરફેણમાં વધુ મતદાન કરાવવાનું તે કર્યું છે અને 10 લાખ મતો આ વખતે વધુ પડ્યા છે અને મતદારો વધ્યા તેના કારણે મતદાન ઓછું દેખાય છે. તેમણે કહ્યું કે, મતદારોને અપીલ કરૂ છું કે, તમામ પોટાના મતનો ઉપયોગ કરો અને ગુજરાતના વિકાસ માટે, યુવાનોના ભવિષ્ય માટે મતાધિકારનો ઉપયોગ કરો તેમણે જણાવ્યું કે, તેમણે કહ્યું કે, મેં લગભગ મોટા ભાગની તમામ બેઠકોનો પ્રવાસ કર્યો છે અને જ્યાં પણ નાની મોટી મુશ્કેલી હોય તે દૂર કરવાની કોશિસ કરી છે તેમણે કહ્યું કે, અમે અને અમારી પાર્ટી શિસ્તની બાબતમાં ચલાવી લે તેમ નથી એટલે સામે ગયેલા કોઈ પણને ફરીથી ભાજપ લઈશું નહીં.
14 જિલ્લાની 93 બેઠક પર પ્રચાર શાંત થયો
ગુજરાત વિધાનસભાની ચૂંટણીના પ્રચાર પડઘમ શાંત થયા છે. બીજા તબક્કાના ચૂંટણીના પ્રચારનો આજે છેલ્લો દિવસ હતો, ઉત્તર અને મધ્ય ગુજરાતના 14 જિલ્લાની 93 બેઠક પર પ્રચાર શાંત થયો છે. આજે સાંજથી ઉમેદવાર ડોર ટુ ડોર પ્રચાર કરી શકશે અત્રે ઉલ્લેખનીય છે કે, 5 ડિસેમ્બરે બીજા તબક્કાનું મતદાન થશે અને 8 ડિસેમ્બરે ચૂંટણીના પરિણામો જાહેર થશે. તમને જણાવી દઈએ કે, ભાજપ-કોંગ્રેસ અને AAP સહિત 833 ઉમેદવાર ચૂંટણી મેદાનેો ઉતર્યા છે તેમજ બીજા તબક્કામાં 2.60 કરોડ મતદારો મતદાન કરશે
ક્યાં ક્યાં જિલ્લામાં બીજા તબક્કાનું મતદાન
અમદાવાદ, વડોદરા, બનાસકાંઠા, સાબરકાંઠા, પાટણ, મહેસાણામાં, ગાંધીનગર, અરવલ્લી, મહિસાગર, અરવલ્લી, દાહોદ, પંચમહાલ, ખેડા, આણંદ, છોટા ઉદેપુરમાં પણ બીજા તબક્કાનું મતદાન થવાનું છે જેને લઈ આજે પ્રચારના પડઘણ શાંત થયા છે.
