જરૂરી વાત / Walk વખતે તમે તો નથી કરતાને આ ભૂલો? ફાયદાની જગ્યા પર શરીરને થશે નુકસાન

• ચાલતી વખતે જરૂર ધ્યાનમાં રાખો આ નિયમો 
• બોડી ફિટનેસ માટે ચાલતા હોવ તો ધ્યાન રાખો 
• નહીં તો ફાયદાની જગ્યા પર નુકસાન થશે 

વ્યસ્ત જીવનની વચ્ચે આજકાલ લોકો ફિટ રહેવા માટે અલગ અલગ રીતો અપનાવવા લાગ્યા છે. ઘણા લોકો જીમમાં જાય છે. જ્યારે ઘણા જોગિંગ અથવા વૉકિંગ દ્વારા પોતાને ફિટ રાખવાનો પ્રયાસ કરે છે. જો તમે ચાલવાના શોખીન છો તો ચોક્કસ આ નિયમો જાણી લેજો. જો તમે આમ નહીં કરો તો તમારા શરીરને ફાયદાની જગ્યાએ નુકસાન થઈ શકે છે. જેના માટે તમારે નુકસાન સહન કરવાનો વારો આવી શકે છે.  

કોઈ સ્ટ્રેસ વગર કરો વોક
ચાલવાનો પહેલો નિયમ એ છે કે તમારે કોઈપણ પ્રકારનો સ્ટ્રેસ ન લેવો જોઈએ. વૉક શરૂ કરતી વખતે, પોઝિટિવ વાતોનો વિચાર કરો અને તમારા મોબાઇલ ફોન અને ઇયર ફોનને બંધ રાખો. તમે એ જ સ્પીડમાં ચાલો જેમાં તમે ચાલી શકો છો.  

ચાલવાનો સમય નક્કી કરો
ફિટનેસના સંદર્ભમાં જોવા જઈએ તો દિવસમાં 45 મિનિટ સુધી ચાલવું બેસ્ટ માનવામાં આવે છે. આ વોક એક જ વારમાં નહીં પરંતુ 2-3 વખત કરો. તમે તમારા શરીરની ક્ષમતા અને સમયને ધ્યાનમાં રાખીને ચાલવા માટે યોગ્ય સમય નક્કી કરી શકો છો. તે પછી તમે નિયત સમય પ્રમાણે ચાલવાનું શરૂ કરો. તમારી ફિટનેસ થોડા દિવસોમાં દેખાશે.

સ્પોર્ટ્સ શૂટ પહેરીને જ કરો વૉક 
જ્યારે પણ તમે ચાલવાનું શરૂ કરો ત્યારે ઉઘાડા પગે કે ચપ્પલ ન પહેરો. તેના બદલે સારી ગુણવત્તાવાળા સ્પોર્ટ્સ શૂઝ પહેરીને ચાલો. હકીકતમાં ચપ્પલ અથવા સેન્ડલ પહેરીને ચાલવાથી તમારી એડી પછડાઈ શકે છે અથવા પગના અંગૂઠામાં દુખાવો થઈ શકે છે. જ્યારે સ્પોર્ટ્સ શૂઝમાં સ્પોન્જ ખૂબ જ સારો હોય છે જે તમને આ બંને સમસ્યાઓથી બચાવે છે.  

વૉક વખતે કમરને રાખો સીધી 
જો તમે ફિટનેસ ફ્રીક છો, તો ચાલતી વખતે તમારી પીઠ સીધી રાખો. આમ ન કરવાથી કમરના દુખાવાની સમસ્યા વધી જાય છે. કમરને સીધી રાખવાથી કરોડરજ્જુ મજબૂત થાય છે અને ફેફસાંમાં પણ ઓક્સિજન યોગ્ય માત્રામાં પહોંચે છે. ખોટી મુદ્રામાં ચાલવાથી તે ચાલવું ફિટનેસને બદલે બીમારીનું કારણ બની જાય છે.