મનોરંજન / 'કેટલાંક કોવિડ દરમ્યાન એવું ઇચ્છતા હતા કે મોત વધારે થાય', ધ વેક્સિન વૉરની રિલીઝ પહેલા વિવેક અગ્નિહોત્રીનો દાવો

• વિવેક અગ્નિહોત્રી લઈને આવી રહ્યા છે ધ વેક્સીન વોર
• ફિલ્મ રિલીઝ પહેલા આપ્યું ચોંકાવનારૂ નિવેદન 
• કહ્યું- અમુક લોકો ઈચ્છતા હતા કે વધારે મોત થાય 

વિવેક અગ્નિહોત્રીની ફિલ્મ 'ધ વેક્સીન વોર' રિલીઝ થવાની છે. તે ફિલ્મના પ્રમોશનમાં લાગી ગયા છે. સોશિયલ મીડિયાથી લઈને અન્ય માધ્યમો પર તે ફિલ્મ વિશે જણાવી રહ્યા છે. 'ધ વેક્સીન વોર' ફિલ્મ કોવિડ-19 વખતે વેક્સીન બનાવવાની સ્ટોરી છે. 

ફિલ્મ વિશે વિવેકે જણાવતા કહ્યું કે તે લોકોને બતાવવા ઈચ્છે છે કે કેઈ રીતે અમુક લોકો જ આ દેશના દુશ્મન બની ગયા હતા. વિવેકે અહીં સુધી કહ્યું કે રાજનૈતિક ફાયદા માટે આવા લોકો વધારેમાં વધારે મોત ઈચ્છા હતા. તેમનું કહેવું છે કે આ દેશને બચાવવા માટે કયા લોકો પ્રયત્ન કરી રહ્યા હતા તેનો જવાબ આ ફિલ્મમાં છે. 

#WATCH | On his upcoming film 'The Vaccine War', filmmaker Vivek Agnihotri says, "The fight during COVID pandemic was about whether we will survive or not. We forget but there was just one discussion in all houses - whether we will remain alive. There were a lot of people who… pic.twitter.com/AK4ZdzlBt4

— ANI (@ANI) September 15, 2023

ભારતીય વૈજ્ઞાનિકોની પહેલ 
એક ઈન્ટરવ્યૂમાં વિવેકે કહ્યું, "કોવિડના સમયે એ લડાઈ હતી કે આપણે બચી શું કે નહીં. બધા ઘરમાં એક જ ડર હતો કે આપણે બચીશું કે નહીં એવામાં ભારતમાં ઘણા એવા લોકો હતા જે એવું ઈચ્છતા હતા કે વધારેમાં વધારે મોત થાય જેથી તેનો રાજનૈતિક લાભ ઉઠાવવામાં આવી શકે. ખૂબ મોટી ગેંગ હતી."

તેમણે આગળ જણાવ્યું, "આપણા જ દેશના લોકો પોતાના દેશને વેચવા માંગતા હતા અને કહી રહ્યા હતા વિદેશી વેક્સીન લાઓ. એવામાં આપણા વૈજ્ઞાનિકોએ પોતાના જીવના જોખમે વિશ્વાસ અપાવ્યો કે ભારત આ કરી શકે છે. તેમણે 130 કરોડ ભારતીયોના જીવ બચાવવાની સાથે 101 દેશોમાં પોતાની વેક્સીન મોકલીને જરૂરીયાતમંદ લોકોના જીવ બચાવ્યા. તેમાં મુખ્ય રીતે આપણી મહિલા વૈજ્ઞાનિક હતી."

અમુક લોકોએ દેશ વેચવાનો પ્રયત્ન કર્યો
વિવેક અગ્નીહોત્રીએ આગળ કહ્યું, "મેં સૌથી વધારે ભારતના વિજય પર ફોકસ કર્યું છે. ભારત કઈ રીતે એક મહાન રાષ્ટ્ર બની રહ્યું છે. કેવી રીતે આત્મનિર્ભર બની રહ્યું છે. કેવી રીતે ભારતનું સાયન્સ દુનિયાને દિશા બતાવવા માટે તત્પર છે આ વાત પર મેં ફોકસ કર્યું છે પરંતુ તેમાં લોકોને હું એ બતાવવા માંગતો હતો કે ભારતના દુશ્મન ભારતના જ ઘણા મીડિયા વાળા, ભારતના ઘણા નેતા, ભારતના ટોપ વિપક્ષના નેતા, ઘણા લેખક, આ પ્રકરાના લોકો પૈસા લઈને ભારતને તે ફાર્મા કંપનીઓને વેચવાનો પ્રયત્ન કરી રહ્યા હતા જે લાંબા સમયથી દેશને બ્લેકમેલ કરતી આવી છે."