વર્લ્ડ કપ 2023 / VIDEO : 'ફોન બંધ રાખો યાર', વર્લ્ડ કપ ફાઈનલ પહેલા રોહિત બરાબરનો બગડ્યો, વીડિયો વાયરલ

• વર્લ્ડ કપ 2023 ની ફાઈનલ પહેલા રોહિત શર્માએ યોજી પ્રેસ કોન્ફરન્સ
• પ્રેસ કોન્ફરન્સમાં ફોનની રીંગ વાગતા રોહિત શર્મા થયા નારાજ
• રોહિત શર્માનો વીડિયો સોશિયલ મીડિયા પર થયો વાયરલ

 ICC ODI વર્લ્ડ કપ 2023ની ફાઈનલમાં રવિવારે ભારત અને ઓસ્ટ્રેલિયા ટકરાશે.આ ટાઈટલ મેચ અમદાવાદના નરેન્દ્ર મોદી સ્ટેડિયમમાં યોજાવા જઈ રહી છે.ફાઈનલ પહેલા ટીમ ઈન્ડિયાના કેપ્ટન રોહિત શર્માએ શનિવારે પ્રેસ કોન્ફરન્સ કરી હતી અને ઘણા સવાલોના દિલ ખોલીને જવાબ આપ્યા હતા. પરંતું પ્રેસ કોન્ફરન્સ દરમિયાન કેપ્ટન અચાનક જ ગુસ્સે થઈ ગયો.તેમની પ્રતિક્રિયાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

Rohit Sharma - "Kya yaar phone band rakho yaar" 😂😂 pic.twitter.com/kvJfXtTNy0

— 𝐑𝐮𝐠𝐠𝐚™ (@LoyalYashFan) November 18, 2023

જ્યારે રોહિત પ્રેસ કોન્ફરન્સમાં પોતાનો વિચાર રજૂ કરી રહ્યો હતો. ત્યારે કોઈનાં ફોનની રીંગ વાગી હતી.  જેને લઈ કેપ્ટને તરત જ નારાજગી વ્યક્ત કરી હતી. તેમણે કહ્યું, ફોન સ્વીચ ઓફ રાખ, યાર? આટલું કહીને રોહિત થોડીવાર માટે બોલતા બોલતા રોકાઈ ગયા હતા. પરંતું ત્યારે બાદ ફરી બોલવા લાગ્યો. તમને જણાવી દઈએ કે વર્તમાન ટૂર્નામેન્ટમાં ભારત હજુ પણ અજેય છે. ભારતે સતત 10 મેચ જીતીને ફાઇનલમાં જગ્યા બનાવી છે. આ સાથે જ ઓસ્ટ્રેલિયાએ સતત 8 મેચ જીતીને ટાઈટલ મેચમાં પ્રવેશ કરી લીધો છે. ઓસ્ટ્રેલિયાને પ્રથમ બે મેચમાં હારનો સામનો કરવો પડ્યો હતો.

રોહિત બ્રિગ્રેડ પાંચ વખતની ચેમ્પિયન ઓસ્ટ્રેલિયન ટીમને લઈ સાવધાન છે
ભારત ભલે વિજયનાં રથ પર સવાર હોય. પરંતુ રોહિત બ્રિગેડ પાંચ વખતની ચેમ્પિયન ઓસ્ટ્રેલિયન ટીમને લઈને સાવધાન છે. રોહિતે કહ્યું,  ઓસ્ટ્રેલિયાએ 8માંથી 8 મેચ જીતી છે. તેઓ સારું ક્રિકેટ રમ્યા છે અને બંને ટીમો ફાઇનલમાં પહોંચવાની હકદાર છે. અમે જાણીએ છીએ કે ઓસ્ટ્રેલિયા સારી ટીમ છે.  પરંતું અમે શું કરવા માંગીએ છીએ તેના પર ધ્યાન કેન્દ્રિત કરવા માંગીએ છીએ. અમે તેઓ કેવા ફોર્મમાં છે તેની ચિંતા કરવા માંગતા નથી પરંતુ અમે અમારા ક્રિકેટ અને અમારી યોજના પર ધ્યાન કેન્દ્રિત કરવા માંગીએ છીએ.