સાવધાન / શું તમને પણ છે ટોયલેટમાં ફોન યુઝ કરવાની આદત? તો સુધારી દેજો નહીંતર થશે મોટું નુકસાન

• તમે પણ ટોયલેટમાં લઈને જાવ છો સ્માર્ટફોન 
• તો આજે જ બંધ કરી દો આ આદત 
• નહીં તો થશે મોટુ નુકસાન 

શું તમે પણ એ લોકોમાંથી છો જે ટોયલેટમાં બેસીને ફોનનો ઉપયોગ કરે છે? જો હાં, તો સાવધાન થઈ જાઓ તેનાથી તમારા સ્વાસ્થ્યને ગંભીર નુકસાન થઈ શકે છે. ઘણા સમય પહેલા અમેરિકી બાથરૂમમાં મેગેઝીન રાખવામાં આવતા હતા. તેને સમયનો ઉપયોગ કહીએ કે પથી પેટને સાફ કરવામાં વધારે સમય લાગવાની મજબૂરી, પરંતુ મોટી સંખ્યામાં એવા લોકો હતા જે ટોયલેટમાં ન્યૂઝ પેપર કે ફોન લઈને જતા અને લાંબા સમય સુધી તેનો ઉપયોગ કરતા હતા. 

પરંતુ શું તમે જાણો છો કે આ આદતના ઘણા પ્રકારના નુકસાન થઈ શકે છે? આ ઘણા પ્રકારાના સંક્રમણના વારંવાર થવા અને બિમારીઓને પ્રોત્સાહન આપનાર આદત બની શકે છે. સ્વાસ્થ્ય નિષ્ણાંત કહે છે જો તમે પણ આમ કરી રહ્યા છો તો હાલ જ આ આદતને છોડી દો. 

શા માટે હાનિકારક છે આ આદત? 
હેલ્થ એક્સપર્ટ અનુસાર ટોયલેટની સીટ અને ત્યાં હાજર વસ્તુઓ જેવી કે ડોલ-ટબ પર લાખો વાયરસ બેક્ટેરિયા હોઈ શકે છે. જ્યારે તમે તેનો ઉપયોગ કર્યા બાદ ફોનને સ્પર્શ કરો છો તો હાથના માધ્યમથી બેક્ટેરિયા તમારા ફોન પર સ્પર્શે છે. તેનું એક જોખમ એવું પણ છે કે તમારો સ્માર્ટફોન શૌચમાં હાજર બેક્ટેરિયાથી દૂષિત થઈ શકે છે. 

આ પ્રકારની એક સ્ટડીમાં સંશોધકોએ ફોનમાં ઈ.કોલાઈ અને અન્ય માઈક્રોબિયલની હાજરીની જાણકારી મેળવી. બ્રિટનની એક શોધ અધ્યયનમાં મળી આવ્યું કે સરેરાશ સ્માર્ટફોન સ્ક્રીન પર ટોયલેટ સીટથી પણ વધારે બેક્ટેરિયા હોઈ શકે છે. 

બેક્ટેરિયાનો વાહક બની શકે છે તમારો ફોન
સ્વાસ્થ્ય નિષ્ણાંતો કહે છે કે જે ફોન તમે ટોયલેટથી બહાર લઈને આવો છો તેનો જો ટેસ્ટ કરવામાં આવે તો આ કિટાણુઓનું ઘર હોય તેવું દેખાશે. આપણે આપણા હાથને તો ધોઈ લઈએ છીએ પરંતુ ફોનને સાફ નથી કરતા. એવામાં લાંબા સમય સુધી જર્મ્સ ફોનની સ્ક્રીન પર રહી શકે છે અને જ્યારે જ્યારે તેના પર હાથ લગાવે છે તો તેના માધ્યામથી તે નાક અને મોંઢાના રસ્તે પેટમાં જઈ શકે છે. 

કબજીયાતનો પણ વધી જાય છે ખતરો 
ટોયલેટમાં લાંબા સમય સુધી ફોનનો ઉપયોગ કરવાના કારણે કબજીયાતનો ખતરો થઈ શકે છે. કારણ કે તમારૂ શરીર બાથરૂમમાં ખૂબ લાંબા અને અપ્રાકૃતિક સમય સુધી બેસ્યા રહેવાની ટેવ પાડી લે છે. તેના ઉપરાંત, વોશરૂમમાં 30 મિનિટ કરતા વધારે બેસી રહેવાના કારણે તે મસા જેવી સમસ્યા પણ ઉભી કરી શકે છે.