લો બોલો! / બ્રિટનમાં માતા-પિતાએ બેબીનું નામ રાખી દીધું 'પકોડા'! કારણ જાણીને વિચારમાં પડી જશો

• બ્રિટનમાંથી એક વિચિત્ર ઘટના સામે આવી
• એક દંપતીએ પોતાના બાળકનું નામ પકોડા રાખ્યું
• હાલ સોશ્યલ મીડિયા પર ખૂબ જ વાયરલ 

આજકાલ દરેક માતા-પિતા તેના બાળકનું અલગ નામ રાખવા માંગે છે અને તેના ચક્કરમાં નતનવીન નામ સામે આવે છે. એવા માં જ બ્રિટનમાંથી એક વિચિત્ર ઘટના સામે આવી છે. તમે અવારનવાર સાંભળ્યું હશે કે લોકોએ પોતાના બાળકોનું નામ કોઈ પ્રખ્યાત સ્થળ અથવા ગમતા વ્યક્તિના નામ પર રાખ્યું છે પરંતુ તમે ક્યારેય સાંભળ્યું કે કોઈ વ્યક્તિ તેના બાળકનું નામ તેના મનપસંદ ખોરાક પર રાખ્યું? બ્રિટનના એક દંપતીએ પોતાના બાળકનું નામ એક ભારતીય વાનગી પર રાખ્યું છે જે હાલ સોશ્યલ મીડિયા પર ખૂબ જ વાયરલ થઈ રહ્યું છે. 

UK parents name their child after Indian dish 'Pakora'; Internet just can't keep calm

Read @ANI Story | https://t.co/tXGvA2A9zf#Pakora #Ireland #Funnymemes pic.twitter.com/AN9mljgClS

— ANI Digital (@ani_digital) September 3, 2022

બાળકનું નામ રાખ્યું પકોડા 
બ્રિટનમાં એક કપલે પોતાના બાળકનું નામ 'પકોડા' રાખ્યું એવો કિસ્સો સામે આવ્યો છે. આયર્લેન્ડના ન્યુટાઉનબી શહેરમાં પ્રખ્યાત રેસ્ટોરન્ટ છે જેનું નામ છે કેપ્ટન ટેબલ. રેસ્ટોરન્ટે સોશિયલ મીડિયા પર એક પોસ્ટ શેર કરી છે જે હાલ ખૂબ જ વાયરલ થઈ રહી છે. એ પોસ્ટમાં એમને લખ્યું છે કે એક દંપતિ છે જેઓ રેસ્ટોરન્ટમાં વારંવાર આવે છે અને પકોડા કહે છે. એ દંપતીએ તેમના બાળકનું નામ તેમની એક ભારતીય વાનગી પર રાખ્યું છે. આ સાથે જ રેસ્ટોરન્ટે બાળક સાથે પકોડાના બિલનો ફોટો પણ શેર કર્યો છે. જે અલગ અલગ પ્રકારના પકોડાનું બિલ છે. 

સોશ્યલ મીડિયા પર લોકોનું આવું રીએક્શન 
બાળકના નામને લઈને રેસ્ટોરન્ટની એ સોશિયલ મીડિયા પોસ્ટ પર લોકો ઘણા ફની રીએક્શન આપી રહ્યા છે. તેમાંના એક યુઝરે પોતાના બાળકોની તસવીર શેર કરતા લખ્યું હતું કે, આ મારા બે બાળકો છે, ચિકન અને ટિક્કા. આ સાથે બીજા ઘણા લોકોએ કોમેન્ટ કરી છે.