Blackheads Face Mask / ચહેરા પરના બ્લેકહેડ્સથી મેળવવા માંગો છો છુટકારો, તો ઘરે જ તૈયાર કરો આ હોમમેડ ફેસ માસ્ક

• રાઇસ ફેસ માસ્ક દ્વારા કરો ફેસ પરના બ્લેકહેડ્સ ક્લિન 
• ટામેટા ફેસ માસ્ક પણ છે કારગર 
• બદામ-મધના ફેસ પેકથી દૂર થશે બ્લેકહેડ્સ

Blackheads Face Mask: ઘણીવાર ઘરની બહાર રહેવાના કારણે ધૂળ અને માટીના કારણે તમારી સ્કિન પ્રભાવિત થાય છે. વધતા પ્રદૂષણ અને કામના બોજને કારણે ત્વચા સંબંધિત અનેક સમસ્યાઓથી પરેશાનીનો સામનો કરવો પડે છે. પિમ્પલ્સ અને ફોલ્લીઓના કારણે ઘણીવાર ચહેરાની ચમક ઓછી થઈ જાય છે. ત્વચાને લગતી આ સમસ્યાઓમાંથી એક બ્લેકહેડ્સ પણ છે, જે ઘણીવાર ચહેરાની સુંદરતા છીનવી લે છે. જો તમે પણ બ્લેકહેડ્સની સમસ્યાથી પરેશાન છો, તો કેટલાક નેચરલ ફેસ માસ્ક છે, જેનો ઉપયોગ કરીને તમે કુદરતી રીતે બ્લેકહેડ્સથી છુટકારો મેળવી શકો છો. તો આવો જાણીએ-

1. રાઇસ ફેસ માસ્ક
સામગ્રી

• બે ચમચી ક્રશ કરેલા ચોખા
• એક ચમચી મધ
• એક ચમચી પાણી

આ રીતે બનાવો ફેસ માસ્ક 
રાઇસનો ફેસ માસ્ક બનાવવા માટે, પહેલા ચોખાને ક્રશ કરી પાવડર તૈયાર કરો. હવે એક બાઉલમાં આ પાવડર લો, તેમાં એક ચમચી મધ ઉમેરો. બંને વસ્તુઓને સારી રીતે મિક્સ કરો અને પછી જરૂર મુજબ પાણી ઉમેરો. હવે આ પેસ્ટને 5 મિનિટ માટે આ રીતે રાખો. બાદમાં, તેને બ્લેકહેડ્સ પર લગાવો અને તેને 15 મિનિટ સુધી સૂકાવા દો. અંતે તેને હળવા હાથે ચહેરા પર  ગોળ-ગોળ ફેરવીને સાફ કરો.

2. ટામેટા ફેસ પેક 
સામગ્રી

• એક ટામેટુ
• એક ચમચી પલાળીને ક્રશ કરેલી અળદની દાળ 

આ રીતે તૈયાર કરો ફેસ માસ્ક 
ટામેટાંનો ફેસ માસ્ક બનાવવા માટે સૌથી પહેલા દાળને પીસીને વાસણમાં કાઢી લો. હવે તેમાં ટામેટાનું છીણ ઉમેરીને બરાબર મિક્ષ કરી લો. આ પછી આ તૈયાર કરેલી પેસ્ટને બ્લેકહેડ્સ પર લગાવો અને થોડી વાર રહેવા દો. જ્યારે માસ્ક સુકાઈ જાય, ત્યારે તેને હળવા હાથ મસાજ કરો. છેલ્લે તમારા ચહેરાને હૂંફાળા પાણીથી સાફ કરો.

3. બદામ-મધનો ફેસ માસ્ક 
સામગ્રી

• 4-5 બદામ
• એક ચમચી કાળા તલ
• અડધી ચમચી મધ

ફેસ માસ્ક બનાવવાની રીત 
સૌપ્રથમ બદામને બારીક પીસીને બાઉલમાં કાઢી લો. હવે આ પીસેલી બદામમાં કાળા તલ અને મધ સારી રીતે મિક્સ કરો. આ પછી, તૈયાર કરેલી પેસ્ટને 5 મિનિટ માટે આ રીતે રાખો. પાંચ મિનિટ પછી તેને બ્લેકહેડ્સ પર લગાવો. જ્યારે માસ્ક સુકાઈ જાય, ત્યારે તેને ભીના હાથ કરીને મસાજ કરો. પછી પાણીથી સાફ કરી લો. આમ કરવાથી બ્લેકહેડ્સ સાફ થઈ જશે.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.