ચૂંટણીલક્ષી તૈયારી / CM અને CR પાટીલની ઉપસ્થિતિમાં આજે સંઘ અને ભાજપની સમન્વય બેઠક, વિવિધ મુદ્દાઓ પર થશે મહત્વની ચર્ચા

• અમદાવાદમાં આજે યોજાશે સંઘ અને ભાજપની સમન્વય બેઠક
• બેઠકમાં CM અને C.R પાટીલ તેમજ અન્ય હોદ્દેદારો રહેશે ઉપસ્થિત
• બેઠકમાં ગુજરાતની રાજકીય-સામાજિક પરિસ્થિતિ મુદ્દે ચર્ચા કરાશે

અમદાવાદમાં આજે મણિનગરના હેડગેવાર ભવન ખાતે સંઘ અને ભાજપની સમન્વય બેઠક યોજાશે. આ બેઠકમાં ખુદ CM ભૂપેન્દ્ર પટેલ અને C.R પાટીલ તેમજ અન્ય હોદ્દેદારો ઉપસ્થિત રહેશે. જેમાં ગુજરાતની રાજકીય-સામાજિક પરિસ્થિતિ મુદ્દે ચર્ચા કરવામાં આવશે.

આ બેઠકમાં CM અને  સંઘના ગુજરાત પ્રાંતના હોદ્દેદારો, ભગિની સંસ્થાઓના પ્રતિનિધિઓ, ABVP, વિધા ભારતી અને ભારતીય શિક્ષણ મંડળ સંસ્થાના પ્રતિનિધિ હાજર રહેશે. ભારતીય કિસાન સંઘ તેમજ VHP હાજરીમાં બેઠક શરૂ થશે. રાજ્યમાં ચૂંટણીના વર્ષમાં સંઘ ભાજપની આ સમન્વય બેઠક ખૂબ જ મહત્વની રહેશે.

વર્ષમાં બેવાર સંઘ અને ભાજપની સમન્વય બેઠક મળતી હોય છે

ગુજરાત વિધાનસભાની ચૂંટણી નજીક આવી રહી છે ત્યારે અમદાવાદ ખાતે સંઘ અને ભારતીય જનતા પાર્ટીની આ બેઠક ખૂબ જ મહત્ત્વની માનવામાં આવી રહી છે. આ બેઠકમાં મુખ્યપ્રધાન ભૂપેન્દ્ર પટેલ અને ભાજપ પ્રદેશ પ્રમુખ સી.આર. પાટીલ અને આરએસએસના ગુજરાતના આગેવાનો તેમજ કેટલાંક પદાધિકારીઓ પણ ઉપસ્થિત રહેશે. તમને જણાવી દઇએ કે, વર્ષમાં બે વખત સંઘ અને ભાજપની સમન્વય બેઠક મળતી હોય છે. જેના ભાગરૂપે આ આયોજન કરાયું છે. અમદાવાદમાં મણીનગર ખાતે આવેલા હેડગેવાર ભવન ખાતે આયોજીત આ બેઠકમાં વિધાનસભાની ચૂંટણીને લઈને પણ ચર્ચા વિચારણા કરવામાં આવશે.

ચૂંટણી પહેલાં તમામ રાજકીય પક્ષોમાં ગતિવિધિઓ તેજ

મહત્વનું છે કે, ગુજરાતમાં વિધાનસભાની ચૂંટણી આવી રહી છે ત્યારે એ પહેલાં જ ભાજપ અને કોંગ્રેસ સહિત તમામ રાજકીય પક્ષોમાં ગતિવિધિઓ તેજ થઇ રહી છે. ત્યારે ભારતીય જનતા પાર્ટી અને રાષ્ટ્રીય સ્વયંસેવક સંઘની આ મહત્વની બેઠકમાં ચૂંટણીલક્ષી સંગઠનાત્મક કાર્યો અંગે પણ ચર્ચા કરીને નિર્ણય લેવામાં આવે તેવી શક્યતા સેવાઇ રહી છે.