સ્વાસ્થ્ય / થાઇરોઇડથી માત્ર મોટાપા જ નહીં પ્રજનનની સમસ્યાઓ પણ થઈ શકે છે: આ રીતે કરો બચાવ

થાઇરોઇડ તમારા શરીરની મહત્વપૂર્ણ ગ્રંથિ છે. થાઇરોઇડની સમસ્યાના કારણે માત્ર વજનને લગતી નહીં પણ પ્રજનનથી લગતી સમસ્યાઓ પણ જોવા મળે છે. સ્ત્રી અને પુરુષ બંનેમાં થાઇરોઇડની સમસ્યા જોવા મળે છે. ગળામાં એક નાના પતંગિયા જેવી ગ્રંથિ હોય છે. જેને થાઇરોઇડ ગ્રંથિ કહેવામાં આવે છે. આ ગ્રંથિ જરૂરી હોર્મોન્સનું ઉત્પાદન વધારવામાં અને શરીરના અન્ય કાર્યોમાં પણ મદદરૂપ થાય છે. થાઇરોઇડની સમસ્યાને કારણે પ્રજનન અને ગર્ભાવસ્થામાં સમસ્યાઓ સર્જાય શકે છે. 

હાઇપોથાઇરોડિઝમ
સ્વાસ્થ્ય નિષ્ણાંતોના જણાવ્યા મુજબ, થાઇરોઇડ હોર્મોન્સના સ્તરમાં ઘટાડાને કારણે હાઇપોથાઇરોડિઝમની સમસ્યા સર્જાય છે. તેના કારણે ઓવ્યુલેશન, ઈંડા છોડવાની સમસ્યા સર્જાય શકે છે. જો લાંબા સમય સુધી હોર્મોન્સના સ્તરમાં ઘટાડો જોવા મળે તો તેના કારણે પ્રજનન સમસ્યાનું કારણ પણ વધી શકે છે. તમારી દિનચર્યામાં સામાન્ય પરિવર્તન કરીને તમને થોડી રાહત મળી શકે છે. 

દરરોજ વ્યાયામ કરો 
થાઇરોઇડના જોખમને ઓછું કરવા માટે તમારે નિયમીત રીતે વ્યાયામ કરવા જોઈએ. તેનાથી થાઇરોઇડ ગ્રંથિને સ્વસ્થ રાખવામાં અને પ્રજનન ક્ષમતામાં સુધાર જોવા મળી શકે છે. 

નિયમિત રીતે થાઇરોઇડ પરીક્ષણ જરૂરી છે 
જે મહિલા ગર્ભધારણ કરવાનો પ્રયત્ન કરી રહી હોય તેણે નિયમિત રીતે થાઇરોઇડ પરીક્ષણ જરૂર કરાવવું જોઈએ. પરીક્ષણના કારણે તમે સમયસર સારવાર કરાવી શકો છો. 

વાંચવા જેવું: કોરોના એક વખત થઈ ગયો હોય તો ચેતજો! રિસર્ચમાં થયો છાતી બેસી જાય તેવો ખુલાસો, આવું થઈ શકે

યોગને તમારી દિનચર્યાનો ભાગ બનાવો 
તણાવના કારણે થાઇરોઇડ અને પ્રજનન ક્ષમતા બંને પર પ્રભાવ પડી શકે છે. ધ્યાન અને યોગના કારણે તણાવને દૂર કરી શકાય છે. તેના કારણે થાઇરોઇડની સમસ્યામાં સુધાર જોવા મળી શકે છે.