ઓપરેશન / કર્નલ ત્રિપાઠીની શહાદતનો બદલો કેમ ભૂલે આસામ રાઈફલ્સ? મળી પહેલી સફળતા, 3 ઉગ્રવાદીઓને ફૂંકી માર્યા

• મણીપુર આતંકી હુમલાનો બદલો
• આસામ રાઈફલ્સે NSCN-KYAના 3 સભ્યોને કર્યાં ઠાર
• મણીપુર હુમલામાં કર્નલ વિપ્લવ ત્રિપાઠી અને 7 શહીદ થયા હતા 

આસામ રાઈફલ્સના જવાનોએ ઉગ્રવાદી સંગઠન નેશનલ સોશિયાલિસ્ટ કાઉન્સિલ ઓફ નાગાલિઝમના 3 ઉગ્રવાદીઓને ઠાર કર્યાં છે.  મણીપુર આતંકી હુમલાના એક દિવસ બાદ આસામ રાઈફલ્સે તેના સભ્યોની શહાદતનો બદલો લઈ લીધો છે. આસામ રાઈફલ્સે NSCN-KYAના 3 સભ્યોને ઠાર કર્યાં છે. 

લોકલ આતંકીઓનો સફાયો કરવા આસામ રાઈફલ્સે શરુ કર્યું મહા ઓપેરશન

મણીપુરમાં લોકલ આતંકીઓનો સફાયો કરવા માટે આસામ રાઈફલ્સે મહા ઓપરેશન શરુ કરી દીધું છે. કર્નલ ત્રિપાઠી સહિત 7 જવાનોની શહાદતનો બદલો લેવામાં આસામ રાઈફલ્સને પહેલી સફળતા મળી છે. આસામ રાઈફલ્સે અરુણાચલમાં NSCN-KYAના 3 સભ્યોને ઠાર કરી દીધા છે. હજુ પણ વધારે આતંકીઓનો ખાતમો થવાની સંભાવના છે કારણ કે ત્યાં હજુ ઓપરેશન ચાલુ છે. આસામ રાઇફલ્સના છ સૈનિકોના જૂથે દક્ષિણ અરુણાચલ પ્રદેશના લોંગિંગ વિસ્તારની આસપાસ હુમલો કર્યો હતો. જોકે આતંકવાદીઓ અને આસામરાઇફલો વચ્ચે ઘણા કલાકો સુધી એન્કાઉન્ટર ચાલ્યું હતું જેમાં ત્રણેય આતંકવાદીઓ માર્યા ગયા હતા.

શનિવારે આતંકી હુમલામાં કર્નલ સહિત 7 શહીદ થયા હતા 

શનિવારે આસામ રાઇફલ્સના કાફલા પર આતંકવાદીઓએ કરેલા હુમલામાં મેજર વિપ્લવ ત્રિપાઠી, તેમની પત્ની, પુત્ર સહિત 7 જવાનો શહીદ થયા હતા. એએનઆઈ ન્યૂઝ એજન્સીના જણાવ્યા અનુસાર, હુમલા બાદ આસામ રાઇફલ્સના જવાનોએ આતંકવાદીઓની શોધ ઝડપી બનાવી હતી. જે બાદ સોમવારે આસામ રાઈફલ્સના જવાનો બદલો લેવામાં સફળ રહ્યા હતા. આજે માર્યા ગયેલા ત્રણ આતંકવાદીઓ નેશનલ સોશિયાલિસ્ટ કાઉન્સિલ ઓફ નાગાલિમ (એનએસસીએન-કેવાયએ) સાથે સંકળાયેલા છે.