વિધાનસભા / ગુજરાતના આ 16 ધારાસભ્યો જેમણે ભંગ કર્યો પ્રોટોકોલ, દિગ્ગજ નેતાઓ પણ સામેલ

• ગુજરાતના 16 ધારાસભ્યોનો પ્રોટોકોલ ભંગ 
• છેલ્લા બે વર્ષમાં12 ધારાસભ્યો સામે 16 ફરિયાદ
• વિપક્ષી નેતા રાઠવા સહીત મોટાભાગના કોંગ્રેસી  

ગુજરાત વિધાનસભામાં આજે ચર્ચા-પ્રશ્નોતરી દરમિયાન પ્રોટોકોલનો ભંગ કર્યા પર માહિતી રજુ કરવામાં આવી હતી. અત્ત્યાર સુધી રાજ્યના 16 ધારાસભ્યએ પ્રોટોકોલનો ભંગ કર્યો છે જેમાના 
12 ધારાસભ્ય સામે પ્રોટોકોલ ભંગ કરવાની ફરિયાદ આવી છે. રાજ્યના સામાન્ય વહીવટી વિભાગને  2 વર્ષમાં 16 ફરિયાદ મળી હતી. આ ધારાસભ્યોમાં બાયડ ધારાસભ્ય જસુભાઈ પટેલ સામે 2 ફરિયાદ, લાઠી ધારાસભ્ય વિરજી ઠુમ્મર સામે 2 ફરિયાદ, ખેડબ્રહ્મા ધારાસભ્ય અશ્વિન કોટવાલ સામે 3 ફરિયાદો, પાદરા ધારાસભ્ય જશપાલસિંહ પઢીયાર,કુંવરજી બાવળીયા સામે પણ પ્રોટોકોલ ભંગ કર્યાની ફરિયાદ થઇ છે. આ ઉપરાંત છોટા ઉદેપુર ધારાસભ્ય મોહનસિંહ રાઠવા,ચોટીલા ધારાસભ્ય ઋત્વિક મકવાણા, ધારાસભ્ય પુંજા વંશનો પણ સમાવેશ થાય છે.તો કોન્ગ્રેસના વધુ ધારાસભ્યો નૌશાદ સોલંકી, પરેશ ધાનાણી, સુનિલ ગામીત, વિરોધ પક્ષના નેતા  સુખરામ રાઠવાનો પણ ફરિયાદના નામમાં સમાવેશ થાય છે. કોંગ્રેસ ધારાસભ્ય વિરજી ઠુમ્મરે પૂછેલા પ્રશ્નનો સરકારે  આ માહિતીથી જવાબ આપ્યો હતો. 

પૂંજા વંશે માછીમારોનો પ્રશ્ન પૂછ્યો 

અરબી સમુદ્રમાં માછીમારી કરતા ગુજરાતના 519 માછીમારો  હજુ સુધી પાકિસ્તાનની જેલમાં સબડી રહ્યાની માહિતી ગુજરાત સરકારે વિધાનસભામાં આપી છે. રાજ્ય સરકારે કોંગ્રેસ ધારાસભ્ય પૂજા વંશના પ્રશ્ન પર જવાબ રજૂ કરતા આ માહિતી આપી હતી પાકિસ્તાન મરીને છેલ્લા બે વર્ષમાં 358  જેટલા ભારતીય માછીમારોનું અપહરણ કર્યુ છે. રાજ્ય સરકારે જણાવ્યું હતું કે, માછીમારોને મુક્ત કરવા માટે રાજ્ય સરકારે 18 વખત કરી રજૂઆત કરી છે. 2020માં ગુજરાતના 163 માછીમારોને પાકિસ્તાને પકડ્યા, તો 2021માં 195 માછીમારોને પાકિસ્તાની મરીને પકડ્યા હતા.

પાકિસ્તાન દ્વારા અવાર નવાર ભારતીય બોટો અને માછીમારો ના અપહરણ ની ઘટના સામે આવે છે.પાકિસ્તાન સરકાર સમય આંતરે માછીમારો ને મુક્ત કરે છે.પરંતુ લાખો રૂપિયા ની બોટો મુક્ત કરતા નથી જેને કારણે માછીમાર ને પોતાનું ગુજરાન ચાલવું મુશ્કેલ પડે છે .ત્યારે કેન્દ્ર સરકાર દ્વારા ભારતીય બોટો ને પણ પાકિસ્તાનના કબ્જા માંથી મુક્ત કરવા માંગ કરવામાં આવી છે.